കൊടകര: കനകമല പള്ളിയിലെ തിരുനാള്‍ ആഘോഷങ്ങള്‍ ഇന്നും, നാളെയുമായി നടക്കുമെന്ന് പള്ളി അധികാരികള്‍ വാര്‍ത്താ സമ്മേളനത്തില്‍ അറിയിച്ചു. രാവിലെ നടക്കുന്ന അമ്പ് വെഞ്ചരിപ്പ് ഫാദര്‍ ആന്റോ.ജി.ആലപ്പാട്ട് നിര്‍വ്വഹിക്കും. തുടര്‍ന്ന് വിവിധ യൂണിറ്റുകളിലേക്ക് അമ്പ് എഴുന്നള്ളിപ്പ് നടക്കും. നാളെ തിരുനാള്‍ ദിനത്തില്‍ അടിവാരം പള്ളിയിലും കുരിശുമുടി പള്ളിയിലും വിശുദ്ധ കുര്‍ബ്ബാനയും രാവിലെ 10ണ് തിരുനാള്‍ പാട്ടുകുര്‍ബ്ബാനയുമുണ്ടാകും. ഫാദര്‍ ജോയ് പുത്തന്‍പുരക്കല്‍, ഫാദര്‍ ജോയ് പുത്തന്‍വീട്ടില്‍ എന്നിവര്‍ കാര്‍മ്മികരാകും. ഫാദര്‍ ക്ലമന്റ് ചിറയത്ത് തിരുനാള്‍ സന്ദേശം നല്‍കും. വൈകീട്ട് 4 ന് വര്‍ണ്ണാഭമായ തിരുനാള്‍ പ്രദക്ഷിണവുമുണ്ടാകും.