പൂച്ചാക്കല്‍: പാണാവളളി തെക്കും ഭാഗം മുഹിയിദ്ദീന്‍ പുത്തന്‍ പള്ളി മഹല്ല് കമ്മിറ്റിയും മദ്‌റസാ പി.ടി.എ കമ്മിറ്റിയും സംയുക്തമായി ഹജ്ജ് യാത്രയയപ്പും അവാര്‍ഡ് ദാനവും നടത്തി. ഹിദായത്തുല്‍ ഇസ്‌ലാം മദ്‌റസാ ഹാളില്‍ നടന്ന പരിപാടി എ.എം ആരിഫ് എം.എല്‍.എ ഉദ്ഘാടനം ചെയ്തു. മഹല്ല് പ്രസിഡന്റ് എം.ഇ അബ്ദുസ്സലാം ഹാജി അധ്യക്ഷനായി.
മഹല്ല് ചീഫ് ഇമാം അബ്ദുല്ല ഫൈസി മുഖ്യ പ്രഭാഷണം നടത്തി. മഹല്ലില്‍ നിന്നും എസ്.എസ്.എല്‍.സി, പ്ലസ്ടു പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്കുള്ള അവാര്‍ഡ് ദാനം ജമാഅത്ത് കൗണ്‍സില്‍ ചേര്‍ത്തല താലൂക്ക് പ്രസിഡന്റ് പി.പി മക്കാര്‍ ഹാജി വിതരണം ചെയ്തു.
സയ്യിദ് സയ്ഫല്ല ഇര്‍ഫാനി തങ്ങള്‍,മഹല്ല് ജനറല്‍ സെക്രട്ടറി സലീം കാരക്കാട്, മദ്‌റസാ പി.ടി.എ പ്രസിഡന്റ് എന്‍.എം. ഷിഹാബ്, സുലൈമാന്‍ ദാരിമി, കെ.കെ.ഷറഫുദ്ദീന്‍ ഹാജി , ജുനൈദ് സൈനി,ഷാജഹാന്‍ പട്ടാണി വെളി, ജബ്ബാര്‍ തുടങ്ങിയവര്‍ സംസാരിച്ചു.