കല്‍പ്പറ്റ: കേരള മുനിസിപ്പല്‍ ആന്‍ഡ് കോര്‍പറേഷന്‍ സ്റ്റാഫ് യൂനിയന്‍ കല്‍പ്പറ്റ നഗരസഭ യൂനിറ്റ് സമ്മേളനം കെ.എസ്.ടി.എ ഹാളില്‍ നടത്തി. എഫ്.എസ്.ഇ.ടി.ഒ ജില്ലാ സെക്രട്ടറി അബ്ദുള്‍ ഗഫൂര്‍ ഉദ്ഘാടനം ചെയ്തു. കെ.എം.സി.എസ്.യു പ്രസിഡന്റ് പി.ടി ദേവദാസ് അധ്യക്ഷനായി. കെ.എം.സി.എസ്.യു സെക്രട്ടറി എസ്. സുരേഷ് സ്വാഗതവും ജയചന്ദ്രന്‍ നന്ദിയും പറഞ്ഞു. കെ.എം.സി.എസ്.യു സംസ്ഥാന പ്രസിഡന്റ് സുരേഷ് കുമാര്‍, ജില്ലാ സെക്രട്ടറി ഉണ്ണികൃഷ്ണന്‍ എന്നിവര്‍ സംസാരിച്ചു. പുതിയ ഭാരവാഹികളായി ബദറുദ്ദീന്‍ (പ്രസി), സുരേഷ് എസ് ( സെക്ര), ബോബിഷ് കെ (ട്രഷ) എന്നിവരെ തിരഞ്ഞെടുത്തു.