കുറ്റ്യാടി: പ്രവര്‍ത്തനമികവിന് എസ്.കെ.എസ്.എസ്.എഫ് കുറ്റ്യാടി മേഖലക്ക് ജില്ലാ കമ്മിറ്റിയുടെ അംഗീകാരം. ശ്രദ്ധേയമായ പദ്ധതികള്‍ ആവിഷ്‌കരിച്ച് നടപ്പിലാക്കല്‍, സംഘാടന മികവ്, സബ് വിങ്ങുകളുടെ ചിട്ടയായ പ്രവര്‍ത്തനം എന്നിവ പരിഗണിച്ചാണ് ജില്ലയിലെ 23 മേഖലാ കമ്മിറ്റികളില്‍ നിന്ന് കുറ്റ്യാടി മേഖലയെ അവാര്‍ഡിനായി തിരഞ്ഞെടുത്തത്.
കോഴിക്കോട് ജൂബിലി ഹാളില്‍ നടന്ന ചടങ്ങില്‍ സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങളില്‍ നിന്ന് മേഖല പ്രസിഡന്റ് വി.കെ റിയാസ് അവാര്‍ഡ് ഏറ്റുവാങ്ങി.
കഴിഞ്ഞവര്‍ഷം സംസ്ഥാനതലത്തില്‍ തന്നെ ഏറ്റവും കൂടുതല്‍ സഹചാരി ഫണ്ട് ശേഖരണം നടത്തിയ മേഖലാ കമ്മിറ്റി, യൂനിറ്റ് കമ്മിറ്റി എന്നിവക്കുള്ള സംസ്ഥാന കമ്മിറ്റിയുടെ സഹചാരി അവാര്‍ഡ് കുറ്റ്യാടി മേഖലക്ക് ലഭിച്ചിരുന്നു. കൊടക്കല്‍ ശാഖയാണ് ഏറ്റവും ഫണ്ടു ശേഖരിച്ച യൂനിറ്റ്.