തിരുവനന്തപുരം: കെ.പി.സി.സി റിസര്‍ച് ആന്‍ഡ് ഡെവലപ്‌മെന്റ് ഡിപ്പാര്‍ട്ട്‌മെന്റിന്റെ നേതൃത്വത്തില്‍ പുറത്തിറക്കുന്ന 'എക്‌സ്‌പോസിങ് പിണറായി എ ടു ഇസഡ്' എന്ന വിഡിയോ പരമ്പരയുടെ ഉദ്ഘാടനം ഇന്ന്. പിണറായി സര്‍ക്കാരിന്റെ കഴിഞ്ഞ നാലര വര്‍ഷത്തെ അഴിമതിക്കഥകളും സ്വജനപക്ഷപാതവും രാഷ്ട്രീയ കൊലപാതകങ്ങളും തുറന്നുകാട്ടുന്നതിനായാണ് വിഡിയോ പരമ്പര തയാറാക്കുന്നത്.
വിഡിയോ പരമ്പരയുടെ ഉദ്ഘാടനം കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍, പ്രതിപക്ഷ നേതാവ് രമേശ് ചെന്നിത്തല, മുന്‍ മുഖ്യമന്ത്രി ഉമ്മന്‍ ചാണ്ടി എന്നിവര്‍ ചേര്‍ന്ന് ട്രെയ്‌ലര്‍ പുറത്തിറക്കിക്കൊണ്ടാണ് നിര്‍വഹിക്കുക.