വടകര: അഴിയൂര്‍, ഏറാമല പഞ്ചായത്തുകളില്‍ പരക്കെ മോഷണം. തൊണ്ടിവയല്‍, മുക്കാളി, കൊളരാട് തെരു, തട്ടോളിക്കര എിവിടങ്ങളിലാണ് മോഷ്ടാക്കള്‍ വിലസുന്നത്.
കുഞ്ഞിപ്പുരയില്‍ സുരേന്ദ്രന്റെ വീട്ടില്‍ നിന്ന് ഉറങ്ങിക്കിടന്ന സ്ത്രീയുടെ കഴുത്തിലെ രണ്ടര പവന്‍ മാല കവര്‍ന്നു. നിരവധി വീടുകളില്‍ മോഷണ ശ്രമവുമുണ്ടായി. പലയിടത്തും വീട്ടുകാര്‍ ഉണര്‍ന്നതിനാലാണ് മോഷണശ്രമം പരാജയപ്പെട്ടത്.
കമ്പിപ്പാര, കൊടുവാള്‍, ഹാമര്‍ തുടങ്ങിയ ആയുധങ്ങള്‍ ഉപയോഗിച്ചാണ് വീടുകളുടെ വാതില്‍ തകര്‍ക്കാന്‍ മോഷ്ടാക്കള്‍ തകര്‍ക്കുന്നത്. ചോമ്പാലയില്‍ ശശിയുടെ വീട്ടിലെ സി.സി.ടി.വിയില്‍ മോഷ്ടാക്കളുടെ ദൃശ്യം പതിഞ്ഞിട്ടുണ്ട്. ഷര്‍ട്ട് ധരിക്കാത്ത രണ്ടുപേര്‍ മാരകായുധവുമായി വീട്ടിലേക്ക് കയറി വരുന്നതാണ് ദൃശ്യത്തിലുള്ളത്. മോഷണ സംഘത്തില്‍ കൂടുല്‍ പേരുള്ളതായും സംശയമുണ്ട്.
അതേസമയം ഇന്നലെ കുഞ്ഞിപ്പള്ളി ചിറയില്‍പീടികയില്‍ നിന്ന് മോഷ്ടാക്കളെന്ന് സംശയിക്കുന്ന രണ്ടു തമിഴ്‌നാട് സ്വദേശികളെ ചോമ്പാല്‍ പൊലിസ് കസ്റ്റഡിയിലെടുത്തു. മുത്തു (32), രാജന്‍ (36) എന്നിവരെയാണ് ടൗണില്‍ നിന്ന് നാട്ടുകാര്‍ പിടികൂടി പൊലിസില്‍ ഏല്‍പ്പിച്ചത്.
കഴിഞ്ഞ ദിവസങ്ങളില്‍ നടന്ന മോഷണവുമായി ഇവര്‍ക്ക് ബന്ധമില്ലെന്ന് പൊലിസ് പറഞ്ഞു. എന്നാല്‍ കാര്യങ്ങള്‍ ചോദിച്ചറിയാന്‍ ഇവരെ കസ്റ്റഡിയില്‍ വച്ചിരിക്കുകയാണെന്നും ചോമ്പാല പൊലിസ് അറിയിച്ചു.

.