തൃക്കരിപ്പൂര്‍: ഒരാഴ്ചയായി മണിയനോടി ജെംസ് ഇംഗ്ലീഷ് മീഡിയം സ്‌കൂളില്‍ എസ്.കെ.എസ്.എസ്.എഫ് തൃക്കരിപ്പൂര്‍ മേഖലാ കമ്മിറ്റി സംഘടിപ്പിച്ചു വരുന്ന ജെംസ് തര്‍ബിയ്യ ക്യാംപിന്റെ സമാപനവും മജ്‌ലിസുന്നൂര്‍ കൂട്ടുപ്രാര്‍ഥനയും ഇന്ന് വൈകീട്ട് ഏഴിനു ജെംസ് ഇംഗ്ലീഷ് സ്‌കൂളില്‍ നടക്കും.
15 മുതല്‍ 22 വയസ് വരെയുള്ള അന്‍പതോളം പെണ്‍കുട്ടികളാണു ക്യാംപില്‍ സംബന്ധിച്ചത്. മത ഭൗതീക വിഷയങ്ങളില്‍ പ്രമുഖരായ പരിശീലകര്‍ ക്ലാസെടുത്തു.
ക്യാംപ് അംഗങ്ങള്‍ക്കുള്ള സര്‍ട്ടിഫിക്കറ്റ് വിതരണവും ഇന്നു നടക്കും. കൂട്ടു പ്രാര്‍ഥനക്ക് സയ്യിദ് നജ്മുദ്ദീന്‍ തങ്ങള്‍ യമാനി അല്‍ ഹൈദ്രൂസി നേതൃത്വം നല്‍കും.
താജ്ദ്ദീന്‍ ദാരിമി പടന്ന, സിറാജുദ്ദീന്‍ ദാരിമി കക്കാട്, സുബൈര്‍ അല്‍ ഖാസിമി, നാഫിഅ് അസ്അദി തുടങ്ങിയവര്‍ സംബന്ധിക്കും.