ലഖ്‌നൗ: വിദ്യാര്‍ഥികളോട് മുഖ്യമന്ത്രി യോഗി ആദിത്യനാഥിന്റെ ഹെയര്‍സ്റ്റൈല്‍ അനുകരിക്കാന്‍ ഉത്തരവിട്ട സ്‌കൂള്‍ അധികൃതരുടെ നടപടി വിവാദത്തില്‍. സംഭവത്തെ തുടര്‍ന്ന് വിദ്യാര്‍ഥികളുടെ രക്ഷിതാക്കള്‍ സ്‌കൂളിനു പുറത്ത് പ്രതിഷേധിച്ചു.മീറത്തിലെ സദറില്‍ പ്രവര്‍ത്തിക്കുന്ന ഋഷങ് അക്കാദമി സ്‌കൂള്‍ അധികൃതരാണ് വിദ്യാര്‍ഥികള്‍ക്ക് വിവാദ നിര്‍ദേശം നല്‍കിയത്. ആദിത്യനാഥിന്റെ ഹെയര്‍സ്റ്റൈല്‍ അനുകരിക്കാത്തവര്‍ ഇനി മുതല്‍ സ്‌കൂളില്‍ വരേണ്ടെന്നാണ് അധികൃതര്‍ നിര്‍ദേശം നല്‍കിയത്. സ്‌കൂളില്‍ നേരത്തെ മാംസഭക്ഷണം നിരോധിച്ചതായും ആരോപണമുണ്ട്.
എന്നാല്‍ ആരോപണങ്ങള്‍ അധികൃതര്‍ നിഷേധിച്ചു. വിദ്യാര്‍ഥികളോട് നല്ല രീതിയില്‍ വസ്ത്രം ധരിച്ചും മുടി ചീകിയും വരാന്‍ മാത്രമാണു നിര്‍ദേശിച്ചതെന്ന് അക്കാദമി സെക്രട്ടറി രഞ്ജിത് ജെയിന്‍ പറഞ്ഞു.