ചേര്‍ത്തല: ചേര്‍ത്തല റോട്ടറി ക്ലബിന്റെ പുതിയ ഭാരവാഹികള്‍ ചുമതലയേറ്റു. പ്രസിഡന്റായി സി.ബി സുധീഷും സെക്രട്ടറി ബി.വിനോദ്കുമാറിന്റെയും നേതൃത്വത്തിലുള്ള ഭരണസമിതിയാണ് ചുമതലയേറ്റത്. റോട്ടറി കമ്യൂണിറ്റി ഹാളില്‍ നടന്ന ചടങ്ങ് മന്ത്രി പി.തിലോത്തമന്‍ ഉദ്ഘാടനം ചെയ്തു.
മുന്‍ പ്രസിഡന്റും അസിസ്റ്റന്റ് ഗവര്‍ണറുമായ ഡോക്ടര്‍ ടീന ആന്റണി അധ്യക്ഷതവഹിച്ചു. റോട്ടറി മുന്‍ ഡിസ്ട്രിക്ട് ഗവര്‍ണര്‍ പ്രഫ. കെ. ഉദയകുമാര്‍ മുഖ്യാതിഥിയായി. ജോണ്‍സി തെരോത്ത്, പി.കെ ധനേശന്‍ എന്നിവര്‍ സംസാരിച്ചു. പ്രസിഡന്റ് സ്ഥാനമൊഴിഞ്ഞ ഡോ.ടീന ആന്റണിക്ക് റോട്ടറി ഡിസ്ട്രിക്ടിലെ ഏറ്റവും മികച്ച പ്രസിഡന്റായി തെരെഞ്ഞെടുത്തതിനും മന്ത്രി പി.തിലോത്തമനും സ്വീകരണം നല്‍കി.