വടകര: കണ്ണൂരില്‍ നിന്നെത്തിയ ക്വട്ടേഷന്‍ സംഘങ്ങള്‍ വടകരയില്‍ അക്രമത്തിന് കോപ്പുകൂട്ടുകയാണെന്ന് യു.ഡി.എഫ് സ്ഥാനാര്‍ഥി കെ മുരളീധരന്‍.
വിഷുദിനത്തില്‍ ലോകനാര്‍കാവ് ക്ഷേത്ര ദര്‍ശനം നടത്തിയശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. മണ്ഡലത്തിന്റെ വിവിധ ഭാഗങ്ങളില്‍ യു.ഡി.എഫ് സ്ഥാപിച്ച പ്രചരണ ബോര്‍ഡുകളും പോസ്റ്ററുകളും വ്യാപകമായി നശിപ്പിക്കുന്നത് ഇതിന്റെ ഭാഗമായാണ്.
രാവിലെ ക്ഷേത്രത്തിലെത്തിയ മുരളീധരന്‍ ദര്‍ശനത്തിനും വഴിപാടുകള്‍ക്കും ശേഷം സ്ഥലത്തുണ്ടായിരുന്നവരോട് കുശലാന്വേഷണം നടത്തി. അഡ്വ. കെ പ്രവീണ്‍കുമാര്‍, കോട്ടയില്‍ രാധാകൃഷ്ണന്‍, കാവില്‍രാധാകൃഷ്ണന്‍ എന്നിവര്‍ ഒപ്പമുണ്ടായിരുന്നു.