വെങ്ങപ്പള്ളി: ശംസുല്‍ ഉലമാ ഇസ്്‌ലാമിക് അക്കാദമി റമദാന്‍ കാംപയിനോടനുബന്ധിച്ച് 26ന് ജില്ലയിലെ 15 മേഖലകളില്‍ ശിഹാബ് തങ്ങള്‍ അനുസ്മരണ പ്രാര്‍ഥനാ സംഗമങ്ങള്‍ നടത്താന്‍ കോഡിനേറ്റര്‍മാരുടെ യോഗം തീരുമാനിച്ചു.  റമദാനിലെ ദാനം ദീനിന്റെ നിലനില്‍പ്പിന് എന്ന സന്ദേശവുമായി നടക്കുന്ന കാംപയിന്‍ കാലയളവില്‍ മഹല്ല് തലങ്ങളില്‍ നടപ്പിലാക്കേണ്ട വിവിധ പദ്ധതികള്‍ക്ക് യോഗം രൂപം നല്‍കി. വൈസ് ചെയര്‍മാന്‍ മൊയ്തുട്ടി കാവുങ്ങല്‍ അധ്യക്ഷനായി. അലി മാസ്റ്റര്‍ ആറാം മൈല്‍ ഉദ്ഘാടനം ചെയ്തു. ഇബ്‌റാഹിം ഫൈസി പേരാല്‍ കര്‍മ പദ്ധതി അവതരിപ്പിച്ചു.  കോഡിനേറ്റര്‍ ഖാസിം ദാരിമി ചര്‍ച്ചകള്‍ക്ക് മറുപടി പറഞ്ഞു. മുഹമ്മദ് കുട്ടി ഹസനി, ജഅ്ഫര്‍ ഹൈതമി, ഫാറൂഖ് നായ്ക്കട്ടി, സുഹൈല്‍ വാഫി, അബ്ദുല്‍ വാസിഅ് യമാനി, യു. കുഞ്ഞിമുഹമ്മദ്, അബ്ദുല്‍ സലാം വാഫി, ഹസൈനാര്‍ മൗലവി, ബഷീര്‍ ഫൈസി, കെ.എ നാസര്‍ മൗലവി, ജഅ്ഫര്‍ സഅദി, എം.കെ ഇബ്‌റാഹിം മൗലവി, മുഹമ്മദ് പനന്തറ, സക്കരിയ്യ വാഫി, എ. ശിഹാബുദ്ദീന്‍, ഷാജഹാന്‍ വാഫി, സിദ്ദീഖ് മടക്കിമല, കുഞ്ഞിമുഹമ്മദ് ദാരിമി, അബ്ബാസ് വാഫി സംബന്ധിച്ചു. മുഹ്‌യിദ്ദീന്‍ കുട്ടി യമാനി സ്വാഗതവും എ.കെ സുലൈമാന്‍ മൗലവി നന്ദിയും പറഞ്ഞു.