മൊറയൂര്‍: മാതൃവിദ്യാലയത്തിലെ ക്ലാസ് മുറികളിലേക്ക് സൗണ്ട് സിസ്റ്റവും മരണപ്പെട്ട സഹപാഠിയുടെ കുടുംബത്തിന് സഹായവും കൈമാറി അരിമ്പ്ര ഗവ.ഹയര്‍ സെക്കന്‍ഡറി സ്‌കൂളിലെ പൂര്‍വ വിദ്യാര്‍ഥികളുടെ സ്‌നേഹാദരം.
അരിമ്പ്ര ഗവ.വി.എച്ച്.എസ് സ്‌കൂളിലെ 1993-94ലെ എസ്.എസ്.എല്‍.സി ബാച്ചിലെ വിദ്യാര്‍ഥികളും കുടുംബാംഗങ്ങളുമാണ് അധ്യാപകര്‍ക്കൊപ്പം രണ്ടുപതിറ്റാണ്ടിനു ശേഷം സ്‌കൂളില്‍ സംഗമിച്ചത്. സൗഹൃദം പുതുക്കിയും ഓര്‍മകള്‍ പങ്കുവച്ചും നടന്ന സംഗമത്തില്‍ സ്‌കൂളിലെ എല്ലാം ക്ലാസുകളെയും ബന്ധിപ്പിക്കുന്ന സൗണ്ട്, എല്ലാ ക്ലാസിലും മെക്ക് അഡ്രസിങ് സിസ്റ്റം എന്നിവ കൈമാറി.
ബാച്ചില്‍ നിന്നും മരണപ്പെട്ട സഹപാഠിയുടെ കുടുംബത്തിനു സഹായവും നല്‍കി. സംഗമം മൊറയൂര്‍ പഞ്ചായത്ത് പ്രസിഡന്റ് കെ.എം സലീം മാസ്റ്റര്‍ ഉദ്ഘാടനം ചെയ്തു. സൗണ്ട് സിസ്റ്റം ചെയര്‍മാന്‍ അബ്ദുല്‍ഹമീദ്, ഉപഹാരം കണ്‍വീനര്‍ യൂനുസ് ബാബു, സാമ്പത്തിക സഹായം ചെയര്‍പേഴ്‌സണ്‍ ബുഷ്‌റ എന്നിവര്‍ കൈമാറി.