മലപ്പുറം: പാണക്കാട് സയ്യിദ് മുഹമ്മദലി ശിഹാബ് തങ്ങളുടെ വിയോഗത്തിന്റെ പത്താം ആണ്ട് ദിനമായ ഇന്നലെ സുന്നി യുവജന സംഘം ജില്ലാ കമ്മിറ്റി അനുസ്മരണ പ്രാര്‍ഥനാസംഗമം സംഘടിപ്പിച്ചു.
മൗലിദ് പാരായണം, സിയാറത്ത്, കൂട്ടപ്രാര്‍ഥന, അനുസ്മരണ സദസ് എന്നിവ ഉറൂസിന്റെ ഭാഗമായി നടന്നു. എസ്.വൈ.എസ് ജില്ലാ കമ്മിറ്റി നല്‍കുന്ന മികച്ച മുദര്‍രിസിനുള്ള ശിഹാബ് തങ്ങള്‍ അവാര്‍ഡ് പാണക്കാട് നടന്ന ചടങ്ങില്‍ സയ്യിദ് ഹൈദരലി ശിഹാബ് തങ്ങള്‍ കോടങ്ങാട് മുദര്‍രിസ് അബ്ദുല്‍ ഗഫൂര്‍ അന്‍വരി മുതൂരിന് സമ്മാനിച്ചു.
മഖാം സിയാറത്തിന് സയ്യിദ് അബ്ബാസലി ശിഹാബ് തങ്ങള്‍ നേതൃത്വം നല്‍കി. സയ്യിദ് ബഷീറലി ശിഹാബ്തങ്ങള്‍, സയ്യിദ് ഹമീദലി ശിഹാബ് തങ്ങള്‍, പി.കെ കുഞ്ഞാലിക്കുട്ടി എം.പി, ആബിദ് ഹുസൈന്‍ തങ്ങള്‍ എം.എല്‍.എ, സയ്യിദ് ഹാശിറലി ശിഹാബ് തങ്ങള്‍, സയ്യിദ് മുത്തുപ്പ തങ്ങള്‍, അബ്ദുറഹ്മാന്‍ രണ്ടത്താണി, അഷ്‌റഫ് കോക്കൂര്‍, യു. ശാഫി ഹാജി, കാടാമ്പുഴ മൂസ ഹാജി, സയ്യിദ് കെ.കെ.എസ് തങ്ങള്‍ വെട്ടിച്ചിറ, അബ്ദുല്‍ ഖാദിര്‍ ഫൈസി കുന്നുംപുറം, സി.എച്ച് ത്വയ്യിബ് ഫൈസി, കാളാവ് സൈതലവി മുസ്‌ലിയാര്‍, സി. അബ്ദുല്ല മൗലവി, ഷാഹുല്‍ ഹമീദ് മാസ്റ്റര്‍ മേല്‍മുറി, സലീം എടക്കര, ഹസന്‍ സഖാഫി പൂക്കോട്ടൂര്‍, റഹീം ചുഴലി, അരിപ്ര അബ്ദുറഹ്മാന്‍ ഫൈസി, സി.കെ മൊയ്തീന്‍ ഫൈസി സംബന്ധിച്ചു.
കോണ്ടോട്ടി കോടങ്ങാട് നടന്ന അനുസ്മരണ പ്രാര്‍ഥനാ സംഗമത്തില്‍ സയ്യിദ് ബി.എസ്.കെ തങ്ങള്‍ അധ്യക്ഷനായി. സമസ്ത കേരള ജംഇയത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. എസ്.വൈ.എസ് ജില്ലാ ജനറല്‍ സെക്രട്ടറി അബ്ദുസമദ് പൂക്കോട്ടൂര്‍ അനുസ്മരണ പ്രഭാഷണം നടത്തി. കെ.എ റഹ്മാന്‍ ഫൈസി, അബ്ദുല്‍ ഗഫൂര്‍ അന്‍വരി മുതൂര്‍, ആനമങ്ങാട് മുഹമ്മദ് കുട്ടി ഫൈസി, സി.എം കുട്ടി സഖാഫി, കെ.എസ് ഇബ്‌റാഹീം മുസ്‌ലിയാര്‍, കുഞ്ഞാന്‍ ദാരിമി, നാസിറുദ്ദീന്‍ ദാരിമി ചീക്കോട്, കാരി ബാപ്പു, അബൂബക്കര്‍ ഹാജി, പി.എ ജബ്ബാര്‍ ഹാജി, അബ്ദുല്‍ മജീദ്, ഹസന്‍ ഫൈസി കാച്ചിനിക്കാട്, അബ്ദുല്‍ ഗഫൂര്‍ ദാരിമി സംസാരിച്ചു.