കോഴിക്കോട്: കേരള പോര്‍ട്ട് മാന്വല്‍, ഇന്ത്യന്‍ പോര്‍ട്ട് ആക്ട് 1908,  2013 മാര്‍ച്ച് 23ലെ സര്‍ക്കാര്‍ ഉത്തരവ് എന്നിവ പ്രകാരമാണ് കോഴിക്കോട് ബീച്ചില്‍  തുറമുഖ അധീനതയിലുള്ള ഭൂമി തുറമുഖ വകുപ്പിന്റെ വ്യവസ്ഥകള്‍ക്ക്  വിധേയമായി സമുദ്രീയാവശ്യങ്ങള്‍ക്ക് സര്‍ക്കാര്‍ ഉത്തരവിലെ ലൈസന്‍സ് ഫീസ്  ഈടാക്കി സ്വകാര്യ വ്യക്തികള്‍ക്ക് നല്‍കി വരുന്നതെന്ന് പോര്‍ട്ട് ഓഫിസര്‍  അറിയിച്ചു. തുറമുഖവകുപ്പിന്റെ അറിവോ സമ്മതമോ കൂടാതെ നിരവധി  അനധികൃത കൈയേറ്റങ്ങളും കെട്ടിട നിര്‍മാണങ്ങളും തുറമുഖ ഭൂമിയില്‍  നടന്നിട്ടുണ്ട്.
 ഇത് ഒഴിപ്പിക്കുന്നതിനും ഭൂമി തുറമുഖ  വകുപ്പിന്റേതാക്കുന്നതിനും റവന്യു, സര്‍വേ, തുറമുഖ വകുപ്പുകള്‍  സംയുക്ത നടപടികള്‍ സ്വീകരിച്ച് വരുന്നു.
കോഴിക്കോട് കോര്‍പറേഷന്‍  ലൈസന്‍സ് നല്‍കിയത് പ്രകാരം കോഴിക്കോട് ബീച്ചില്‍ നുറ്കണക്കിന്  ഉന്തുവണ്ടി കച്ചവടക്കാര്‍ തുറമുഖവകുപ്പ്  സ്ഥലം കൈയേറിയിട്ടുണ്ടെന്നും പ്രസ്തുത  കൈയേറ്റങ്ങള്‍ ഒഴിപ്പിക്കുന്നതിനും തുറമുഖഭൂമി സംരക്ഷിക്കുന്നതിനും വേണ്ട  നടപടികള്‍ സ്വീകരിച്ചുവരുന്നതായും പോര്‍ട്ട് ഓഫിസര്‍ അറിയിച്ചു.  
കോഴിക്കോട് ബീച്ചിലെ കൈയേറ്റങ്ങളില്‍ തല്‍ക്കാലം സ്ഥാപനങ്ങള്‍  ഒഴിപ്പിക്കുമെന്നും വീടുകള്‍ ഇപ്പോള്‍ ഒഴിപ്പിക്കില്ലെന്നും എ.ഡി.എം അറിയിച്ചു.