വാഷിങ്ടണ്‍: കൊളംബിയന്‍ ഹൈസ്‌കൂള്‍ കൂട്ടക്കൊലയുടെ 20-ാം വാര്‍ഷികത്തോടനുബന്ധിച്ച് യു.എസിലെ സ്‌കൂളുകള്‍ അടച്ചു. അന്നത്തെ കൊലപാതകത്തില്‍ ആവേശംകൊള്ളുന്ന ഫ്‌ളോറിഡ ഹൈസ്‌കൂള്‍ വിദ്യാര്‍ഥിനിയായ 18കാരി സോള്‍ പെയിസ് അക്രമം നടത്തുമോ എന്ന ഭയമാണ് കാരണം. പൊലിസ് അന്വേഷിച്ചുകൊണ്ടിരിക്കുന്ന വിദ്യാര്‍ഥിനി ആക്രമണകാരിയാണെന്ന് പറയപ്പെടുന്നു.
1999 ഏപ്രില്‍ 20നാണ് രണ്ട് കൗമാരക്കാര്‍ കൊളംബിയന്‍ ഹൈസ്‌കൂളിലെ 12 കുട്ടികളെയും അധ്യാപികയെയും വെടിവച്ചു കൊന്നത്. ഡെന്‍വര്‍, കൊളറാഡോ മേഖലകളിലെ സ്‌കൂളുകള്‍ക്ക് അധികൃതര്‍ സുരക്ഷാ മുന്നറിയിപ്പ് നല്‍കിയിരുന്നു. ഇതോടെ മിക്ക സ്‌കൂളുകളും അടച്ചുപൂട്ടി. 130 സ്‌കൂളുകള്‍ ഇതിനകം പൂട്ടിയതായി എഫ്.ബി.ഐ അറിയിച്ചു.