റിയാദ്: സഊദിയിലെ നജ്‌റാനിൽ മലയാളിയെ താമസ സ്ഥലത്ത് മരിച്ച നിലയിൽ കണ്ടെത്തി. പത്തനംതിട്ട വടശ്ശേരി സ്വദേശി അരുൺ നിവാസിൽ ഹരിദാസിനെ (55) യാണ് താമസസ്ഥലത്ത് മരിച്ച നിലയിൽ കണ്ടെത്തിയത്. ഇരുപത്തിയഞ്ച് വർഷമായി നജ്‌റാൻ അദനിൽ ഇലക്‌ട്രീഷ്യനായി ജോലി ചെയ്തു വരികയായിരുന്നു.

    ഓമനയാണു ഭാര്യ. മക്കൾ: അനീഷ്, അരുൺ. നജ്‌റാൻ കിംഗ് ഖാലിദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹത്തിന്റെ തുടർ നടപടികൾ ജിദ്ദാ ഇന്ത്യൻ കോൺസുലേറ്റ് വെൽഫെയർ മെമ്പർ അനിൽ രാമചന്ദ്രന്റെ നേതൃത്വത്തിൽ നടന്നു വരുന്നു.