കൊച്ചി: ഇന്ത്യന്‍ ആരോസ് ഗോള്‍ കീപ്പറായിരുന്ന ലവ്പ്രീത് സിങ് കേരള ബ്ലാസ്റ്റേഴ്‌സുമായി കരാറില്‍ ഒപ്പുവച്ചു. പഞ്ചാബ് ജലന്ധര്‍ സ്വദേശിയാണ് 21 കാരനായ ലവ്പ്രീത്. കേരള ബ്ലാസ്റ്റേഴ്‌സ് ആരാധകരുടെ മുന്നില്‍ അവര്‍ക്കുവേണ്ടി കളിക്കുന്നതില്‍ ആഹ്ലാദമുണ്ടെന്ന് ലവ്പ്രീത് സിങ് പറഞ്ഞു. ശാരീരിക ഘടനയിലുള്ള പ്രത്യേകതക്കൊപ്പം മികച്ച സാങ്കേതിക വൈഭവവും ലവ്പ്രീത് സിങിനെ മറ്റ് ഇന്ത്യന്‍ ഗോള്‍ കീപ്പര്‍മാരില്‍ നിന്ന് വ്യത്യസ്തനാക്കുന്നതായി കേരള ബ്ലാസ്റ്റേഴ്‌സിന്റെ ഹെഡ് ഗോള്‍ കീപ്പര്‍ കോച്ച് റോറി ഗ്രാന്‍ഡ് അഭിപ്രായപ്പെട്ടു. യുവ കളിക്കാരെ കൂടുതലായി ഉള്‍പ്പെടുത്തി അടുത്ത സീസണ്‍ ഊര്‍ജസ്വലമാക്കാനുള്ള ശ്രമത്തിലാണ് ബ്ലാസ്റ്റേഴ്‌സ്.