മലപ്പുറം: കാലിക്കറ്റ് യൂനിവേഴ്‌സിറ്റി സി-സോണ്‍ മത്സരത്തിന്റെ സ്റ്റേജ് മത്സരങ്ങള്‍ ഇന്ന് അരങ്ങുണരും. മലപ്പുറം ഗവ. കോളജ് മുഖ്യ വേദിയായി നടക്കുന്ന മത്സരങ്ങള്‍ക്കു നാലു വേദികളാണ് സജ്ജീകരിച്ചിരിക്കുന്നത്. മൂന്നുവരെ നടക്കുന്ന കലോത്സവത്തില്‍ 121 അഫിലിയേറ്റഡ് കോളജുകളില്‍നിന്നുള്ള അയ്യായിരത്തോളം വിദ്യാര്‍ഥികള്‍ മാറ്റുരക്കും.
61 ഇനങ്ങളിലാണ് സ്റ്റേജ് മത്സരങ്ങള്‍. രാവിലെ ഒന്‍പതിനു രജിസ്‌ട്രേഷന്‍ ആരംഭിക്കും. പത്തിനു നിയുക്ത എം.പി പി.കെ കുഞ്ഞാലിക്കുട്ടി ഉദ്ഘാടനം ചെയ്യും. പി. ഉബൈദുല്ല എം.എല്‍.എ അധ്യക്ഷനാകും. കാലിക്കറ്റ് യൂനിവേഴ്‌സിറ്റി വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍, പി.വി അബ്ദുല്‍ വഹാബ് എം.പി, എം.എല്‍.എമാരായ എ.പി അനില്‍കുമാര്‍, ടി.വി ഇബ്രാഹീം, ആബിദ് ഹുസൈന്‍ തങ്ങള്‍, പി. അബ്ദുല്‍ ഹമീദ്, ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, വൈസ് പ്രസിഡന്റ് സക്കീന പുല്‍പ്പാടന്‍, നഗരസഭാ ചെയര്‍പേഴ്‌സണ്‍ സി.എച്ച് ജമീല, പി.കെ ഫിറോസ്, ഡോ. രാജന്‍ നമ്പ്യാര്‍, ഡോ. ഗീത നമ്പ്യാര്‍, കെ.എന്‍.എ ഖാദര്‍, വി.വി പ്രകാശ്, പി.പി വാസുദേവന്‍, സി. ശരത് പ്രസാദ് പങ്കെടുക്കും.
കലോത്സവത്തിന്റെ സ്റ്റേജിതര മത്സരങ്ങള്‍ ഇന്നലെ സമാപിച്ചു. മത്സരഫലങ്ങള്‍ തത്സമയം അറിയാന്‍ ംംം.രൗൗിശീിസമഹീഹമെ്മാ.രീാ എന്ന വെബ്‌സൈറ്റ് സജ്ജീകരിച്ചിട്ടുണ്ട്.
44 ഇനങ്ങളിലായി നടന്ന മത്സരങ്ങളില്‍ 22 ഇനങ്ങളുടെ ഫലം പുറത്തുവന്നപ്പോള്‍ 42 പോയിന്റ് നോടി തിരൂരങ്ങാടി പി.എസ്.എം.ഒ കോളജ് ഒന്നാം സ്ഥാനത്താണ്. 35 പോയിന്റ് നേടി കാലിക്കറ്റ് യൂനിവേഴ്‌സിറ്റി കാംപസ് രണ്ടും 24 പോയിന്റ് നേടി മമ്പാട് എം.ഇ.എസ് കോളജ് മൂന്നും സ്ഥാനത്താണ്.