കോതമംഗലം: കാഴ്ച പരിമിതരുടെ സ്‌പോട്‌സ് വിഭാഗങ്ങള്‍ക്ക് പരിഗണന നല്‍കേണ്ടത് ആവശ്യമാണന്ന് ആന്റണി ജോണ്‍ എം.എല്‍.എ പറഞ്ഞു.
കാഴ്ച പരിമിതരുടെ ക്രിക്കറ്റിന് ആവശ്യമായസഹായം അനുവദിക്കാന്‍ സര്‍ക്കാര്‍തലത്തില്‍ ഇടപെടല്‍ നടത്തുമെന്നും എം.എല്‍.എ അറിയിച്ചു. കോതമംഗലം എം.എ കോളജ് ഗ്രൗണ്ടില്‍ കാഴ്ച പരിമിതരുടെ അഞ്ചാമത് സംസ്ഥാന തല ക്രിക്കറ്റ് ടൂര്‍ണമെന്റ് ഉദ്ഘാടനം ചെയ്യുകയായിരുന്നു ആന്റണി ജോണ്‍ ബ്ലോക്ക് പഞ്ചായത്ത് പ്രിസിഡന്റ് റഷീദസലീം അധ്യക്ഷയായിരുന്നു.
കേരള ക്രിക്കറ്റ് അസോസിയേഷന്‍ ഓഫ് ബ്ലെന്‍ഡ് പ്രസിഡന്റ് അനില്‍കുമാര്‍ കെ.ആര്‍, സെക്രട്ടറി രജനീഷ് ഹെന്‍ട്രി, സംസ്ഥാന കമ്മറ്റി അംഗം ജിനീഷ് പി, അജിത്ത് നാരായണന്‍, ജി.എം റാവിസ്,നഗരസഭ കൗണ്‍സിലര്‍മാരായ കെ.എ നൗഷാദ്, കെ.വി തോമസ്, ബ്ലോക്ക് പഞ്ചായത്ത് മെമ്പര്‍ മാരായ എം.എ ശശി, ഷീലകൃഷ്ണന്‍കുട്ടി എന്നിവര്‍ സംസാരിച്ചു.
കോട്ടയം ടൈഗേഴ്‌സ്, ബ്ലൂവില്‍സ് എറണാകുളം, എന്‍.എ.ബി ചലഞ്ചേഴസ് തിരുവനന്തപുരം, റൈബോസ്റ്റാര്‍സ് കാസര്‍ഗോഡ് എന്നീ ടീമുകളാണ് ടൂര്‍ണമെന്റില്‍ പങ്കെടുത്തത്.
ടൂര്‍ണമെന്റിന്റെ സെമി ഫൈനല്‍, ഫൈനല്‍ മല്‍സരങ്ങള്‍ മെയ് 16,17,18 തിയതികളില്‍ തിരുവനന്തപുരം സെന്റ് സേവിയേഴ്‌സ് കോളേജ് ഗ്രൗണ്ടില്‍ നടക്കും.