തിരുവനന്തപുരം: സൈബര്‍ ആക്രമണങ്ങളെക്കുറിച്ച് മുഖ്യമന്ത്രി പറഞ്ഞത് കേട്ടപ്പോള്‍ ചെകുത്താന്‍ വേദമോതുന്നതുപോലെ തോന്നിയെന്ന് പ്രതിപക്ഷ നേതാവ് രമേശ് ചെന്നിത്തല.
ഹിംസയുടെ പ്രവാചകന്‍ അഹിംസയെക്കുറിച്ച് വാചാലനാകുന്ന പോലെ ആയിരുന്നു അത്.
സമൂഹത്തിലായാലും സമൂഹമാധ്യമങ്ങളിലായാലും ഹിംസയുടെ പ്രഭവകേന്ദ്രം പിണറായി വിജയന്‍ ആണ്. രാജാവ് എങ്ങനെയാണോ അങ്ങനെ തന്നെയാണ് പ്രജകളും. സൈബര്‍ ആക്രമണങ്ങളില്‍നിന്ന് വിട്ടു നില്‍ക്കണമെന്നാണ് യു.ഡി.എഫ് പ്രവര്‍ത്തകരോട് പറയാനുള്ളത്. ഈ അഭ്യര്‍ഥന മുഖ്യമന്ത്രി അദ്ദേഹത്തിന്റെ പാര്‍ട്ടി നേതാക്കളോടും പ്രവര്‍ത്തകരോടും നടത്തണമെന്നും ചെന്നിത്തല പറഞ്ഞു.