കൊല്‍ക്കത്ത: മുത്വലാഖ് മുസ്്‌ലിം സമുദായത്തില്‍ മാത്രമല്ല രാജ്യത്തെ എല്ലാ സമുദായങ്ങളിലും വേണമെന്നാവശ്യപ്പെട്ട് കൊല്‍ക്കത്തയില്‍ യുവാക്കളുടെ സത്യഗ്രഹ സമരം. സ്ത്രീകളില്‍ നിന്ന് രക്ഷിക്കണമെന്നാവശ്യപ്പെട്ടുള്ള സമരം കുടുംബ ഭദ്രതക്കായിട്ടാണ് തങ്ങള്‍ ഉന്നയിക്കുന്നതെന്ന് യുവാക്കള്‍ അറിയിച്ചു. സ്ത്രീപീഡനത്തിനിരയാകുന്ന യുവാക്കളുടെ നേതൃത്വത്തിലാണ് സമരം നടത്തിയത്. മുത്വലാഖ് എന്നത് വൈവാഹിക ജീവിതത്തെ ഏറ്റവും ലളിതമായ രീതിയില്‍ വേര്‍തിരിക്കുന്നതാണ്. ഈ സാഹചര്യത്തില്‍ മുത്വലാഖ് എടുത്തുകളയണമെന്ന ആവശ്യം അംഗീകരിക്കാന്‍ കഴിയുന്നതല്ലെന്നും സമരക്കാര്‍ ചൂണ്ടിക്കാട്ടി.