പാലാ: ആള്‍ കേരള ബാര്‍ബര്‍ ബ്യൂട്ടീഷന്‍ ഓര്‍ഗനൈസേഷന്‍ ജില്ലാ സമ്മേളനം ഒന്‍പതിന് പാലായില്‍ നടക്കും. ജില്ലാ പ്രസിഡന്റ് പി.പി കുട്ടപ്പന്റെ അധ്യക്ഷതയില്‍ ടോംസ് ചേംബറില്‍ ചേരുന്ന സമ്മേളനം കെ.എം മാണി എം.എല്‍.എ ഉദ്ഘാടനം ചെയ്യും.
ഓര്‍ഗനൈസേഷനിലെ അംഗങ്ങളുടെ കുട്ടികള്‍ക്കുള്ള വിദ്യാഭ്യാസ അവാര്‍ഡുകള്‍ മുനിസിപ്പല്‍ ചെയര്‍മാന്‍ ലീനാ സണ്ണി വിതരണം ചെയ്യും.
എ.കെ.ബി.ഒ സംസ്ഥാന ജനറല്‍ സെക്രട്ടറി ആര്‍.ബി മോഹനന്‍മുഖ്യപ്രഭാഷണം നിര്‍വഹിക്കും.സംസ്ഥാന കമ്മറ്റി അംഗങ്ങളായ ഉഴവൂര്‍ രാജന്‍, കെ.എം. ഓമനകുട്ടന്‍,സന്തോഷ് കൃഷ്ണന്‍, സലീം മൂസ, എറണാകുളം ജില്ലാ സെക്രട്ടറി വി.എസ് സുബ്രഹ്മണ്യന്‍ സംസാരിക്കും. സമ്മേളനത്തോടനുബന്ധിച്ചുള്ള പ്രകടനം  ആശുപത്രി ജംഗ്ഷനില്‍ നിന്നും ആരംഭിക്കും. ഒരു മണിക്ക് നടക്കുന്ന പ്രതിനിധി സമ്മേളനം എ.കെ.ബി.ഒ. സംസ്ഥാന സെക്രട്ടറി എ.ബി ബൈജു ഉദ്ഘാടനം ചെയ്യും. ജില്ലാ പ്രസിഡന്റ് പി.പി കുട്ടപ്പന്‍ അധ്യക്ഷത വഹിക്കും.