ഫറോക്ക് : പ്രവര്‍ത്തകരുടെ ആവേശം വാനോളമുയര്‍ത്തി ബേപ്പൂര്‍ മണ്ഡലത്തില്‍ യു.ഡി.എഫ് സ്ഥാനാര്‍ഥി എം.കെ രാഘവന്റെ റോഡ് ഷോ. കൂടെ ലക്ഷദ്വീപ് കോണ്‍ഗ്രസ് സ്ഥാനാര്‍ഥി ഹംദുല്ല സഈദുമെത്തിയതോടെ ആവേശം ഇരട്ടിയായി. രാത്രി വൈകി ഫറോക്ക് പേട്ടയില്‍ പൊതു സമ്മേളനത്തോടുകൂടിയാണ് റോഡ്‌ഷോ സമാപിച്ചത്. യു. പോക്കര്‍, ആദംമുല്‍സി, പി.സി അഹമ്മദ്കുട്ടിഹാജി, കെ.കെ ആലിക്കുട്ടി, എന്‍.സി അബ്ദുല്‍ റസാക്ക്, പി. കുഞ്ഞിമൊയ്തീന്‍, ടി.കെ അബ്ദുല്‍ ഗഫൂര്‍, കെ.സുരേഷ്, തസ്്് വീര്‍ഹസ്സന്‍, കെ.പി നിഷാദ് തുടങ്ങിയവര്‍ നേതൃത്വം നല്‍കി.