പാലക്കാട് : ജില്ലയില്‍ ഇരു ലോക്‌സഭാ മണ്ഡലങ്ങളിലുമായി 25, 85,151 വോട്ടര്‍മാര്‍. പാലക്കാട് ലോക്‌സഭാ മണ്ഡലത്തില്‍ 13,20,680 വോട്ടര്‍മാരും ആലത്തൂരില്‍ 12, 64, 471 വോട്ടര്‍മാരുമാണുള്ളത്. പട്ടാമ്പി, ഷൊര്‍ണൂര്‍, ഒറ്റപ്പാലം, കോങ്ങാട്, മണ്ണാര്‍ക്കാട്, മലമ്പുഴ, പാലക്കാട് എന്നീ ഏഴു നിയോജകമണ്ഡലങ്ങളാണ് പാലക്കാട് ലോക്‌സഭാ മണ്ഡലത്തിന് കീഴിലുള്ളത്. പാലക്കാട് ലോക്‌സഭാ മണ്ഡലത്തില്‍ 6,45,012 പുരുഷ വോട്ടര്‍മാരും 6,75,663 സ്ത്രീ വോട്ടര്‍മാരും അഞ്ച് ട്രാന്‍സ് ജെന്‍ഡര്‍ വോട്ടര്‍മാരാണുള്ളത്. തരൂര്‍, ചിറ്റൂര്‍, നെന്മാറ, ആലത്തൂര്‍, ചേലക്കര, കുന്നംക്കുളം, വടക്കാഞ്ചേരി എന്നീ ഏഴു നിയോജകമണ്ഡലങ്ങളാണ് ആലത്തൂര്‍ ലോക്‌സഭാ മണ്ഡലത്തിന്റെ പരിധിയില്‍ വരുന്നത്.
ഇതില്‍ 6,18,629 പുരുഷ വോട്ടര്‍മാരും 6,45,838 സ്ത്രീ വോട്ടര്‍മാരും മൂന്ന് ട്രാന്‍സ് ജെന്‍ഡര്‍ വോട്ടര്‍മാരും മറ്റുള്ള വിഭാഗത്തില്‍ ഒരു വോട്ടറുമാണുള്ളത്. പൊന്നാന്നി ലോക്‌സഭാ മണ്ഡലത്തില്‍ കീഴില്‍ വരുന്ന തൃത്താല നിയോജക മണ്ഡലത്തില്‍ ആകെ 183448 വോട്ടര്‍മാരാണുള്ളത്. ഇതില്‍ 89,654 പുരുഷന്മാരും 93,793 സ്ത്രീകളും ഉള്‍പ്പെടുന്നു.

ജില്ലയില്‍ 41817 കന്നി വോട്ടര്‍മാര്‍

ജില്ലയില്‍ പാലക്കാട്, ആലത്തൂര്‍ ലോക്‌സഭാ മണ്ഡലങ്ങളിലും തൃത്താല നിയോജക മണ്ഡലത്തിലുമായി 41817 കന്നി വോട്ടര്‍മാര്‍. ഇതില്‍ 23306 പുരുഷന്‍മാരും, 18510 സ്ത്രീകളും ഒരു ട്രാന്‍സ് ജെന്‍ഡറുമാണുള്ളത്. ഏറ്റവും കൂടുതല്‍ കന്നി വോട്ടര്‍മാര്‍ ഉള്ളത് തൃത്താല നിയോജക മണ്ഡലത്തിലും (4565) കുറവ് ആലത്തൂര്‍(2613) മണ്ഡലത്തിലുമാണ്.