കണ്ണൂര്‍: സിനിമാ തിയേറ്ററില്‍ മദ്യപിച്ച് ബഹളമുണ്ടാക്കിയതു ചോദ്യംചെയ്ത വിരോധത്തില്‍ യുവാവിനെയും സുഹൃത്തുകളെയും പട്ടികയും ഇരുമ്പുവടിയും കൊണ്ട് അടിച്ചുപരുക്കേല്‍പ്പിച്ചു. മുല്ലക്കൊടി നണിയൂര്‍നമ്പ്രത്തെ കൃഷ്ണനിവാസില്‍ സി. വൈശാഖിനും (26) മൂന്നു സുഹൃത്തുകള്‍ക്കുമാണ് മര്‍ദനമേറ്റത്. 30നു രാത്രി സിനിമ കാണുന്നതിനിടെ ഇവരുടെ പിറകിലായി ഇരുന്ന ചാലാട് സ്വദേശികളായ മദ്യപിച്ചെത്തിയ സംഘം സീറ്റില്‍ കാലെടുത്ത് വയ്ക്കുകയും ബഹളം വയ്ക്കുകയും ചെയ്തത് വൈശാഖും സുഹൃത്തുകളും ചോദ്യംചെയ്തിരുന്നു. സിനിമ തിയേറ്ററിനു പുറത്ത് സംഘടിച്ച സംഘം വൈശാഖിനെയും സുഹൃത്തുകളെയും ആക്രമിക്കുകയായിരുന്നു. വൈശാഖും സുഹൃത്തുകളും എ.കെ.ജി ആശുപത്രിയില്‍ ചികിത്സതേടി. സംഭവത്തില്‍ ടൗണ്‍പൊലിസ് കേസെടുത്തു.