തിരുവനന്തപുരം: ആറന്മുളയിലെ വിവാദ ഇലക്ട്രോണിക് മാനുഫാക്ച്ചറിങ് ക്ലസ്റ്റര്‍ പദ്ധതിയില്‍ നിന്ന് പിന്മാറി സംസ്ഥാന സര്‍ക്കാര്‍. പദ്ധതിയുമായി മുന്നോട്ട് പോകേണ്ടതില്ലെന്നാണ് സര്‍ക്കാര്‍ തീരുമാനം. പത്തനംതിട്ട ജില്ലാ കളക്ടറുടെ റിപ്പോര്‍ട്ട് പരിശോധിച്ച ശേഷമാണ് തീരുമാനം. ആറന്മുള വിമാനത്താവളത്തിനായി കണ്ടെത്തിയ ഭൂമിയില്‍ ഐ.ടി പാര്‍ക്കും ഇന്റഗ്രേറ്റഡ് ബിസിനസ് ടൗണ്‍ഷിപ്പും നിര്‍മിക്കാനായിരുന്നു സര്‍ക്കാരിന്റെ നീക്കം. 

പദ്ധതിക്കായി കണ്ടെത്തിയ 139 ഹെക്ടറില്‍ 122.87 ഹെക്ടര്‍ ഭൂമിയും നിലമാണെന്നായിരുന്നു കളക്ടറുടെ റിപ്പോര്‍ട്ട്. 2018 ലെ വെള്ളപ്പൊക്ക സമയത്ത് ഈ സ്ഥലം പൂര്‍ണമായും വെള്ളം കയറിയ നിലയിലായിരുന്നു. അത്തരം ഒരു സഥലം ഇത്തരമൊരു പദ്ധതിക്കു വേണ്ടി നല്‍കിയാല്‍ അത് പല പാരിസ്ഥിതിക പ്രശ്‌നങ്ങള്‍ക്കും വഴിവെക്കുമെന്ന് കൃഷി വകുപ്പ് ചൂണ്ടിക്കാണിച്ചിരുന്നു. മന്ത്രിസഭാ യോദഗത്തിലും ഭിന്നാഭിപ്രായമാണ് ഈ പദ്ധതിയെ സംബന്ധിച്ച് ഉയര്‍ന്നുവന്നത്. 

ALSO READ: തോറ്റുകൊടുക്കാൻ ഹംസ തയ്യാറായില്ല; ഒടുവിൽ മുട്ടുമടക്കി പ്രമുഖ കാർ ഡീലർ; ഉപഭോക്താവിനെ വഞ്ചിച്ചതിന് 29 ലക്ഷം രൂപ നൽകാൻ കോടതി വിധി

എന്നാല്‍ ഐ.ടി വകുപ്പും വ്യവസായ വകുപ്പും പദ്ധതിയുമായി മുന്നോട്ടുപോകാന്‍ തീരുമാനിക്കുകയായിരുന്നു. പിന്നാലെ വലിയ തോതില്‍ പരാതി വന്നതോടെയാണ് കളക്ടര്‍ സ്ഥലം പരിശോധിച്ച് റിപ്പോര്‍ട്ട് തയ്യാറാക്കിയത്. കളക്ടറുടെ റിപ്പോര്‍ട്ട് പ്രകാരം ഈ സ്ഥം മണ്ണിട്ട് നികത്താന്‍ സാധിക്കില്ല. പിന്നാലെയാണ് സര്‍ക്കാര്‍ ഈ പദ്ധതിയില്‍ നിന്നും പിന്‍മാറാന്‍ തയ്യാറായത്. 

The Kerala government has withdrawn from the controversial electronics manufacturing cluster project proposed in Aranmula, Pathanamthitta district. The decision was taken after examining a report submitted by the District Collector.