ദ കേരള സ്‌റ്റോറി 2 ട്രെയിലറിനെ രൂക്ഷമായി വിമര്‍ശിച്ചും പരിഹസിച്ചും മലയാളികള്‍. യൂട്യൂബില്‍ സ്ട്രീം ചെയ്യുന്ന സിനിമയുടെ ട്രെയിലറില്‍ നിറയെ മലയാളികളുടെ ട്രോളാണ്. കേരളത്തെയും മുസ് ലിം സമുദായത്തെയും അധിക്ഷേപിക്കുന്ന ചിത്രത്തിലെ സംഘപരിവാര്‍ അജണ്ട സോഷ്യല്‍മീഡിയയിലൂടെ തുറന്നുകാട്ടുകയാണ് കമന്റുകളില്‍. 

 തീവ്രവിദ്വേഷം പടര്‍ത്തുന്ന ഉള്ളടക്കമാണ് ചിത്രത്തിലെന്ന് വ്യക്തമാക്കുന്നതാണ് 'ദി കേരള സ്റ്റോറി 2'ന്റെ പുറത്തിറങ്ങിയ ട്രെയിലര്‍. ചിത്രത്തില്‍ കേരളത്തില്‍ നിന്നുള്ള പെണ്‍കുട്ടിയെ നിര്‍ബന്ധിച്ച് ബീഫ് കഴിപ്പിക്കുന്ന രംഗമാണ് രസകരമായ ട്രോളുകള്‍ക്ക് വിധേയമാകുന്നത്. 

ബീഫ് കഴിക്കുന്നതിലും നല്ലത് പട്ടിണി കിടന്ന് മരിക്കുന്നതാണെന്നാണ് ഈ രംഗത്തില്‍ കഥാപാത്രം പറയുന്നത്. ഇതിനാണ് മലയാളികളുടെ വക ട്രോള്‍. ബീഫ് കഴിക്കുന്ന രംഗം ചെയ്യാന്‍ ആളെ ആവശ്യമുണ്ടെങ്കില്‍ പറയണമെന്നും നിര്‍ബന്ധിക്കാതെ തന്നെ കഴിക്കാമെന്നുമാണ് കമന്റുകള്‍. 

ALSO READ: 'ബീഫ്' എന്ന പേരുള്ള ചിത്രത്തിന് വിലക്ക്, വിദ്വേഷം പടർത്തുന്നവർക്ക് പ്രദർശനാനുമതി; കേരള സ്റ്റോറി 2ന് എതിരെ മുഖ്യമന്ത്രി

' പൊറോട്ടയില്ലാതെ എങ്ങനെയാണ് ബിഫ് കഴിക്കുക, ഇവിടെ ആളുകള്‍ക്ക് തിന്നാന്‍ തികയുന്നല്ല, ഇന്ത്യയില്‍ ഇനി വേറെ കേരളമുണ്ടോ, ഞങ്ങള്‍ മലയാളികള്‍ വീട്ടില്‍ ഹിന്ദി സംസാരിക്കാറില്ല, നമ്മള്‍ പോലും അറിയാതെ നമ്മള്‍ അധോലോകമായിരിക്കുന്നു'- എന്നിങ്ങനെ പോകുന്നു കമന്റുകള്‍. 

ഈ പടം റിലീസ് ചെയ്യുന്ന തിയേറ്ററുകള്‍ക്ക് മുന്നില്‍ ബീഫ് ഫെസ്റ്റ നടത്തണമെന്നാണ് ചിലരുടെ അഭിപ്രായം. 

കാമാഖ്യ നാരായണ സിങ് ആണ് ദി കേരള സ്റ്റോറി 2 സംവിധാനം ചെയ്യുന്നത്. വിപുല്‍ ഷാ നിര്‍മിക്കുന്ന ചിത്രത്തില്‍ ആഷിന്‍ എ ഷായാണ് സഹനിര്‍മാതാവ്. 2026 ഫെബ്രുവരി 27 നാണ് ചിത്രം തിയേറ്ററുകളില്‍ പ്രദര്‍ശനത്തിനെത്തുന്നത്. പുതുമുഖങ്ങളാണ് ചിത്രത്തില്‍ മുഖ്യവേശഷങ്ങളില്‍ എത്തുന്നത്. 

The trailer of The Kerala Story 2 has triggered widespread criticism and trolling on social media, especially among Malayalis. The film, directed by Kamakhya Narayan Singh and produced by Vipul Amrutlal Shah, is facing backlash over scenes perceived as targeting Kerala and the Muslim community.