കൊച്ചി: ഇത്തവണ നിയമസഭാ തെരഞ്ഞെടുപ്പില്‍ മത്സരിക്കാനില്ലെന്ന് അറിയിച്ച് തൃപ്പൂണിത്തുറ എം.എല്‍.എയും കോണ്‍ഗ്രസ് നേതാവുമായ കെ. ബാബു. കോണ്‍ഗ്രസ് നേതാക്കള്‍ക്കൊപ്പം വാര്‍ത്താസമ്മേളനം നടത്തിയാണ് ബാബു ഇക്കാര്യം പ്രഖ്യാപിച്ചത്. മത്സരിക്കണമെന്ന് നേതാക്കള്‍ ആവശ്യപ്പെട്ടിരുന്നു. എന്നാല്‍ വ്യക്തിപരമായ കാരണങ്ങളാല്‍ മത്സരിക്കുന്നില്ലെന്ന് തീരുമാനിക്കുകയായിരുന്നുവെന്നും അദ്ദേഹം വ്യക്തമാക്കി. 

മികച്ച സ്ഥാനാര്‍ഥി തന്നെ മണ്ഡലത്തില്‍ വരുമെന്നും മണ്ഡലം യു.ഡി.എഫ് നിലനിര്‍ത്തുമെന്നും സി.പി.എമ്മിനും ബി.ജെ.പിക്കും ലൂസേഴ്‌സ് ഫൈനല്‍ മത്സരിക്കാമെന്നും അദ്ദേഹം പറഞ്ഞു. 

ALSO READ: അഖില്‍ മാരാര്‍ ട്വന്റി20 യില്‍; കൊട്ടാരക്കരയില്‍ എന്‍.ഡി.എ സ്ഥാനാര്‍ഥിയായേക്കും

1991 മുതല്‍ ഏഴ് തവണയാണ് കെ ബാബു തൃപ്പൂണിത്തുറയില്‍ നിന്ന് മത്സരിച്ചത്. ഇതില്‍ ആറ് തവണയും വിജയിച്ചു. 2016 ലാണ് എം. സ്വരാജിനോട് പരാജയപ്പെട്ടത്. എന്നാല്‍ 2021 ല്‍ സ്വരാജിനോട് തന്നെ മത്സരിച്ച് ജയിച്ച് വീണ്ടും എം.എല്‍.എയായി. 

ഉമ്മന്‍ചാണ്ടി മന്ത്രിസഭയില്‍ എക്‌സൈസ്-തുറമുഖ-ഫിഷറിസ് മന്ത്രിയായിരുന്നു കെ ബാബു. 1979ല്‍ അങ്കമാലി നഗരസഭയിലേക്കായിരുന്നു ആദ്യ തെരഞ്ഞെടുപ്പ് ജയം. ആ വര്‍ഷം തന്നെ അങ്കമാലി നഗരസഭയുടെ ആദ്യ ചെയര്‍മാനായി.

Senior Congress leader and Thripunithura MLA K. Babu has announced that he will not contest in the upcoming Kerala Assembly elections. He made the declaration at a press conference along with party leaders, citing personal reasons for stepping aside despite requests from the party leadership to contest.