സീതാംഗോളി: സൂരംബയലില്‍ കാറുകള്‍ കൂട്ടിയിടിച്ച് യാത്രക്കാരായ ഏഴുപേര്‍ക്കു പരുക്കേറ്റു. ബെളിഞ്ചയിലെ ബീഫാത്തിമ (65), ബന്ധുക്കളായ മറിയംബി (55), ഇസാം (13), ഖദീജ (43) എന്നിവരെ പരുക്കുകളോടെ കാസര്‍കോടെ സ്വകാര്യ ആശുപത്രിയില്‍ പ്രവേശിപ്പിച്ചു. ഇവരെല്ലാം ഒരു കാറില്‍ സഞ്ചരിക്കുകയായിരുന്നു. മറ്റൊരു കാറില്‍ സഞ്ചരിക്കുകയായിരുന്ന സൂരംബയലിലെ മഹാലിംഗയ്യ (71), ബന്ധുക്കളായ ദേവകി (61), ദേവി (65) എന്നിവരെ പരുക്കുകളോടെ കുമ്പള സഹകരണ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം വൈകുന്നേരം ഏഴിന് സൂരംബയലിലാണ്  അപകടമുണ്ടായത്.