അമ്പലപ്പുഴ: മുപ്പത്തിനാലാമതു ശ്രീമദ് ഭാഗവത സത്ര വേദിയിലെ ഭക്ഷണശാലയിലാണു സായി ബാബാ കേന്ദ്രം അമ്പലപ്പുഴ മണ്ഡലിയുടെ നൂറോളം പ്രവര്‍ത്തകര്‍ നിസ്വാര്‍ഥ സേവനത്തില്‍ മുഴുകിയിരിക്കുന്നത്.
സത്ര വേദിയിലെത്തുന്ന ഭക്തര്‍ക്കും, അതിഥികള്‍ക്കും ഭക്ഷണം വിളമ്പുന്ന ജോലിയാണ് ഇവര്‍ ഏറ്റെടുത്തിരിക്കുന്നത്.പുലര്‍ച്ചെ ആറിനു തുടങ്ങുന്ന ജോലികള്‍ രാത്രി 11 വരെ തുടരുന്നു. സ്ത്രീകളും കുട്ടികളും ഇതില്‍ ഭാഗഭാക്കാണ്.സി.കെ ചന്ദ്രകുമാര്‍ സുരേഷ് കുമാര്‍ കരൂര്‍, വേണുഗോപാല്‍ കാക്കാഴം,ശോഭന മോഹനന്‍ തുടങ്ങിയവര്‍ ഇതിനു നേതൃത്വം നല്‍കുന്നു. സത്ര വേദിയിലെത്തുന്നവരുടെ മുക്തകണ്ഠ പ്രശംസ പിടിച്ചുപറ്റാന്‍ ഈ സായി ഭക്തര്‍ക്ക് കഴിഞ്ഞിട്ടുണ്ട്. എല്ലാം ശീകൃഷ്ണ ഭഗവാനു വേണ്ടി ചെയ്യുന്നതാണെന്ന് ഭാരവാഹികള്‍ പറയുന്നു.