കൊയിലാണ്ടി: മണ്ഡലം ആദര്‍ശ സമ്മേളനഫണ്ട് സമാഹരണം ഇന്ന്. ജുമുഅ നിസ്‌ക്കാരത്തിന് ശേഷം പള്ളികളിലാണ് ഫണ്ട് സമാഹരണം നടക്കുക. മണ്ഡലം പരിധിയില്‍ ഫണ്ട് സമാഹരണം നടത്തുവാന്‍ വിവിധ കര്‍മപദ്ധതികള്‍ നടപ്പിലാക്കുവാന്‍ കൊയിലാണ്ടി സിദ്ദീഖ് പള്ളിയില്‍ ചേര്‍ന്ന യോഗം തീരുമാനിച്ചു. സി.പി.എ സലാം അദ്ധ്യക്ഷനായി.
അബ്ദു റസാക്ക് റഹ് മാനി, പി.എം.സി തങ്ങള്‍ , വി. പി.സി അഹമ്മദ് മാടാക്കര, തന്‍വീര്‍ മാടാക്കര, കെ.കെ.കെ പുളിയഞ്ചേരി, ടി.സി മൊയ്തീന്‍ കുട്ടി, അസ്സയിനാര്‍ കിള്ളവയല്‍ , കാട്ടില്‍ അബൂബക്കര്‍, റഹിം ഫൈസി, ശുഹൈബ് ദാരിമി, യു.എ റസാക്ക്, യഹ്‌യ നന്തി, അന്‍സാര്‍ കൊല്ലം സംബന്ധിച്ചു. സമസ്ത മുശാവറ അംഗം എ.വി അബ്ദു റഹ്മാന്‍ മുസ്‌ലിയാര്‍, അലവി ദാരിമി കുഴിമണ്ണ എന്നിവരെ ആദര്‍ശ സമ്മേളനത്തില്‍ പങ്കെടുപ്പിക്കും. പ്രചരണത്തിന്റെ ഭാഗമായി പഞ്ചായത്ത് തല കണ്‍വന്‍ഷന്‍ നടത്തുവാനും തീരുമാനിച്ചു.