മലപ്പുറം: ട്രാഫിക് ബോധവല്‍ക്കരണ സന്ദേശം പ്രചരിപ്പിച്ചു സഞ്ചരിക്കുന്ന പപ്പുവിന്റെ പ്രയാണം ജില്ലയില്‍ ഇന്നു പെരിന്തല്‍മണ്ണയില്‍ സമാപിക്കും. കാല്‍നട യാത്രക്കാര്‍ക്കു റോഡ് മുറിച്ചുകടക്കാനുള്ള സീബ്രാ വരകളില്‍നിന്നും മെനഞ്ഞെടുത്ത പപ്പു എന്ന സീബ്രക്കുട്ടിയെ പൊതുജനങ്ങള്‍ക്കു പരിചയപ്പെടുത്താനാണ് പര്യടനം.
ഇന്നലെ പൂക്കോട്ടുപാടം ജങ്ഷനില്‍ പരിപാടി അവതരിപ്പിച്ചു.
അമരമ്പലം പഞ്ചായത്ത് പ്രസിഡന്റ് ഉദ്ഘാടനം ചെയ്തു. പൂക്കോട്ട്പാടം എസ്.ഐ അമൃതരംഗന്‍ പങ്കെടുത്തു. വൈകിട്ട് മലപ്പുറത്തും പരിപാടി അവതരിപ്പിച്ചു.
പപ്പുവിനെ അവതരിപ്പിച്ചത് ഷൈജു എന്ന പൊലിസ് ഉദ്യോഗസ്ഥനാണ്. നജ്മുദ്ദീന്‍, ബാബു, സുനില്‍, മനോജ് എന്നീ പൊലിസുദ്യോഗസ്ഥരും പര്യടനത്തില്‍ പങ്കെടുത്തു.