നേമം: വൃദ്ധനെ മര്‍ദിച്ച കേസിലെ പ്രതിയെ നരുവാമൂട് പൊലിസ് അറസ്റ്റ് ചെയ്തു. വെടിവച്ചാന്‍കോവില്‍ മുടവൂര്‍പാറ ഭഗവതിനട വിജയഭവനില്‍ തങ്കപ്പന്‍പിളളയുടെ മകന്‍ സജു എന്നു വിളിക്കന്ന സുധീഷ്‌കുമാറിനെ (45) ആണ് അറസ്റ്റ് ചെയ്തത്.
 കഴിഞ്ഞ 30ന് വെടിവച്ചാന്‍ കോവില്‍ മുടവൂര്‍പാറ ഭഗവതിനടയില്‍ പ്രതിയുടെ വീടിനു സമീപം തട്ടുകട നടത്തി വരികയായിരുന്ന രാജനെ (61) മര്‍ദിച്ച കേസിലാണ് അറസ്റ്റ്.
രാജന്‍ നടത്തുന്ന തട്ടുകടയില്‍ കൂടുന്ന ആള്‍ക്കാര്‍ സുധീഷിന്റെ വീടിന് ശല്യമാകുന്നു എന്നതായിരുന്നു മര്‍ദനകാരണം. പലതവണ സുധീഷ് രാജനോട് ഇക്കാര്യം അറിയിച്ചിരുന്നതായി പറയുന്നു.
സുധീഷിന്റെ മര്‍ദനത്തില്‍ രാജന്റെ ശരീരത്തില്‍ നാല് തുന്നലുകളുണ്ട്. ഇയാള്‍ ഹൃദയ സംബന്ധമായ അസുഖത്തിന് ചികിത്സയിലായിരുന്നു. അറസ്റ്റ് ചെയ്ത പ്രതിയെ ഇന്നലെ കോടതിയില്‍ ഹാജരാക്കി റിമാന്റ് ചെയ്തു.