ഹോങ്കോങ്: ഹോങ്കോങ്ങില്‍ അനസ്‌തേഷ്യ വിദഗ്ധന്‍ ഭാര്യയെയും 16കാരിയായ മകളെയും കൊലപ്പെടുത്തിയത് വിഷവാതകം നിറച്ച യോഗാ ബോള്‍ ഉപയോഗിച്ച്. 2015 ല്‍ നടന്ന സംഭവത്തില്‍ കഴിഞ്ഞ ദിവസം ഹോങ്കോങ് കോടതി വാദംകേള്‍ക്കുകയായിരുന്നു.
മനുഷ്യര്‍ക്കും മൃഗങ്ങള്‍ക്കും അപകടകരമായ വിഷാംശമടങ്ങിയ കാര്‍ബണ്‍ മോണോക്‌സൈഡ് നിറച്ച യോഗയ്ക്കായി ഉപയോഗിക്കുന്ന ബോള്‍ വച്ചാണു പ്രതി കൃത്യം നിര്‍വഹിച്ചത്.
ക്വാ കിം സന്‍ എന്നയാളാണ് ഉറ്റവരെ ക്രൂരമായി വധിച്ചത്. 2015ലാണ് യുവതിയെയും മകളെയും കൊല്ലപ്പെട്ട നിലയില്‍ ഒരു കാറില്‍നിന്ന് കണ്ടെടുത്തത്. മറ്റൊരു സ്ത്രീയുമായുണ്ടായിരുന്ന ബന്ധം അനുവദിക്കാതിരുന്നതാണു കൊലപാതകത്തിലേക്കു നയിച്ചത്.