തിരുവനന്തപുരം:നിയമസഭയില്‍ രാജ്യസഭാ ഉപതെരഞ്ഞെടുപ്പിലേക്കുള്ള വോട്ടെടുപ്പ് ആരംഭിച്ചു. എം.പി വിരേന്ദ്രകുമാറിന്റെ നിര്യാണത്തെ തുടര്‍ന്ന് ഒഴിവുവന്ന സീറ്റിലേക്കാണ് തെരഞ്ഞെടുപ്പ് നടക്കുന്നത്. കൊവിഡ് മാനദണ്ഡങ്ങള്‍ പാലിച്ചാണ് വോട്ടെടുപ്പ്.

കെ ദാസന്‍ എം.എല്‍.എയാണ് ആദ്യം വോട്ടുചെയ്തത്. ആകെ 136 വോട്ടര്‍മാരാണ് ഉള്ളത്. അതേസമയം, ജോസ് കെ മാണി പക്ഷത്തെ രണ്ട് എം.എല്‍.എമാര്‍ വോട്ടുചെയ്യാനെത്തിയില്ല.

എല്‍.ജെ.ഡി സംസ്ഥാന അധ്യക്ഷന്‍ എം.വി ശ്രേയാംസ്‌കുമാറാണ് എല്‍.ഡി.എഫ് സ്ഥാനാര്‍ത്ഥി. ലാല്‍ വര്‍ഗീസ് കല്‍പകവാടിയാണ് യു.ഡി.എഫ് സ്ഥാനാര്‍ത്ഥി.