പയ്യോളി: പ്രളയ ദുരന്തത്തില്‍ രക്ഷാപ്രവര്‍ത്തനം നടത്തിയ തിക്കോടിയിലെ മത്സ്യത്തൊഴിലാളികളെ പയ്യോളി പൊലിസ് ആദരിച്ചു. സ്റ്റേഷന്‍ പരിസരത്തു നടന്ന ചടങ്ങില്‍ രക്ഷാപ്രവര്‍ത്തകരായ 36 പേര്‍ക്ക് നഗരസഭാ ചെയര്‍പേഴ്‌സന്‍ വി.ടി ഉഷ ഓണക്കോടി നല്‍കി.
പൊലിസ് ഇന്‍സ്‌പെക്ടര്‍ ദിനേശ് കോറോത്ത് അധ്യക്ഷനായി. കൗണ്‍സിലര്‍ കെ.ടി ലിഗേഷ്, എസ്.ഐ വി.പി മനോഹരന്‍, സി.കെ സുജിത്ത്, ജി.പി അഭിജിത്ത്, കെ.ടി വിനോദ്, നിസാര്‍ കാഞ്ഞിരോളി, വി.പി ശിവദാസന്‍, രംഗീഷ് കടവത്ത് സംസാരിച്ചു.
നന്തിബസാര്‍: മൂടാടി പഞ്ചായത്തില്‍നിന്ന് പ്രളയബാധിത മേഖലകളിലേക്കു രക്ഷാപ്രവര്‍ത്തനത്തിനായി പോയ മത്സ്യത്തൊഴിലാളികളെ പഞ്ചായത്ത് ആദരിച്ചു. കോടിക്കല്‍, മുത്തായം, മൂടാടി പ്രദേശങ്ങളിലെ 29 പേരാണ് വിവിധയിടങ്ങളില്‍ രക്ഷാപ്രവര്‍ത്തനം നടത്തിയത്. കെ. ദാസന്‍ എം.എല്‍.എ ഓണക്കോടിയും മെമന്റോയും നല്‍കി ആദരിച്ചു. ഷീജാപട്ടേരി അധ്യക്ഷയായി. കെ. ജീവാനന്ദന്‍ സാഗതവും കൃഷ്ണന്‍ നന്ദിയും പറഞ്ഞു.