കണ്ണൂര്‍: വോട്ട് രേഖപ്പെടുത്താന്‍ പോളിങ് ബൂത്തിലെത്തിയ വോട്ടര്‍മാര്‍ വോട്ടര്‍പട്ടികയില്‍ പേരില്ലാത്തതിനാല്‍ മടങ്ങി. ജില്ലയില്‍ പലയിടത്തും ഈ പ്രശ്‌നം ഉണ്ടായെങ്കിലും മാടായി ജി.എം യു.പി സ്‌കൂളിലെ 23 ബൂത്തിലെത്തിയ പലരും പരാതി പറഞ്ഞു. രാഷ്ട്രീയ പാര്‍ട്ടികളുടെ ശ്രദ്ധയില്ലാത്തതാണ് ഇതിനു കാരണമെന്ന് വോട്ടു ചെയ്യാന്‍ കഴിയാതെ പോയ വോട്ടര്‍മാര്‍ പറഞ്ഞു. വീട്ടില്‍ വോട്ടുതേടി എത്തിയപ്പോള്‍ വോട്ടര്‍പട്ടികയില്‍ പേരുണ്ടെന്നാണ് അറിയിച്ചത്.
എന്നാല്‍ വോട്ടുചെയ്യാന്‍ എത്തിയപ്പോഴാണു പേരില്ലാത്തതായി കണ്ടത്. കഴിഞ്ഞ നിയമസഭാ തെരഞ്ഞെടുപ്പില്‍ ഇതില്‍ പലരും വോട്ട് ചെയ്തതായും പറയുന്നു. ആദ്യം തന്നെ ഇക്കാര്യം അറിഞ്ഞിരുന്നെങ്കില്‍ വോട്ടുചെയ്യാന്‍ വരില്ലെന്നും ഇവര്‍ അറിയിച്ചു. പലരും വോട്ടു ചെയ്യാനാകാത്ത സങ്കടം പ്രകടിപ്പിച്ചാണു മടങ്ങിയത്.