നേമം: നേമത്തിനു സമീപം ഒന്നരകിലോ കഞ്ചാവുമായി യുവാവിനെ പൊലിസ് അറസ്റ്റ് ചെയ്തു. കല്ലിയൂര്‍ കാക്കാമൂല ഇലവിന്‍വിള വീട്ടില്‍ അഖില്‍ ദേവാ(23)ണ് പിടിയിലായത്. സ്‌കൂളുകള്‍ കേന്ദ്രീകരിച്ച് ചില്ലറ വില്‍പ്പനക്കായി സൂക്ഷിച്ചിരുന്ന കഞ്ചാവാണ് കണ്ടെത്തിയത്. ഇയാള്‍ ജില്ലയിലെ നിരവധി കഞ്ചാവ് കേസുകളിലെ പ്രതിയാണെന്ന് പൊലീസ് അറിയിച്ചു.
ഫോര്‍ട്ട് എ.സി.സുധാകരപിളളക്ക് ലഭിച്ച രഹസ്യ വിവരത്തെ തുടര്‍ന്ന്  നേമം സി.ഐ.ദിലീപ്കുമാര്‍, എ.എസ്.ഐ മാഹീന്‍കണ്ണ്, സി.പി.ഒമാരായ സാബു, ഗിരി എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ  പ്രതിയെ റിമാന്‍ഡ് ചെയ്തു.