മനാമ: ബഹ്റൈനിൽ കോവിഡ് മഹാമാരിയിൽ പെട്ട ദുരിതബാധിതരെ സഹായിക്കുവാനും അവർക്ക് ആവശ്യമായ ഭക്ഷണം, മരുന്ന്, താമസം, നാട്ടിലേക്കുള്ള മടക്ക യാത്ര, കൗൺസിലിംഗ് തുടങ്ങിയ സേവന പ്രവർത്തനങ്ങൾ നിർവഹിക്കാനും പ്രവർത്തിച്ച സോഷ്യല്‍ വെൽഫെയർ അസോസിയേഷന്‍ സേവന വിഭാഗമായ ടീം വെൽകെയർ വളണ്ടിയർമാരെ ആദരിക്കുന്നു. ആഗസ്റ്റ് 27 വ്യാഴാഴ്ച രാത്രി എട്ട് മണിക്ക് നടക്കുന്ന വെർച്വൽ സംഗമത്തിൽ കേരളത്തിന് സമാനതകളില്ലാത്ത സേവന മാതൃക സമ്മാനിക്കുന്ന ടീം വെൽഫെയർ സംസ്ഥാന ക്യാപ്റ്റന്‍ സമദ് നെടുമ്പാശ്ശേരി മുഖ്യാതിഥിയായി പങ്കെടുക്കും.