തിരുവനന്തപുരം: ലോക്‌സഭാ തെരഞ്ഞെടുപ്പില്‍ കേരളത്തില്‍ ഇടതുപക്ഷം തൂത്തുവാരുമെന്ന് എല്‍.ഡി.എഫ്. സി.പി.എം സെക്രട്ടറിയേറ്റിലാണ് വിലയിരുത്തല്‍. മലപ്പുറവും വയനാടും മാത്രമാണ് എല്‍.ഡി.എഫിന് നഷ്ടമാവുകയെന്നും യോഗം വിലയിരുത്തി. പോളിങ് ശതമാനം കൂടിയത് ഇടതുപക്ഷത്തിന് അനുകൂലമാണെന്നും കോടിയേരി ബാലകൃഷ്ണന്‍ വാര്‍ത്താസമ്മേളനത്തില്‍ പറഞ്ഞു.

ബി.ജെ.പി യു.ഡി.എഫിന് വോട്ട് മറിച്ചെന്നും യോഗം വിലയിരുത്തി. തെരഞ്ഞെടുപ്പ് കമ്മീഷന് പാളിച്ചകളുണ്ടായെന്ന് കോടിയേരി ചൂണ്ടിക്കാട്ടി. വോട്ടെടുപ്പിലെ കാലതാമസം ഒഴിവാക്കാന്‍ കൂടുതല്‍ സജ്ജീകരണം ഏര്‍പ്പെടുത്തണമായിരുന്നു. 2004 ആവര്‍ത്തിക്കുമെന്ന് അദ്ദേഹം പറഞ്ഞു.