കൊല്ലം: അഷ്ടമുടി വീരഭദ്രസ്വാമി ക്ഷേത്രത്തിലെ 28-ാം ഓണാഘോഷത്തിന്റെ ഭാഗമായുള്ള ഉരുള്‍ വഴിപാട് സെപ്റ്റംബര്‍ 19, 20, 21 തീയതികളില്‍ നടത്താന്‍ തൃക്കരുവ കുറ്റിയഴികം ദേവസ്വം കമ്മിറ്റി തീരുമാനിച്ചു. ദേവസ്വം വര്‍ക്കിംങ് പ്രസിഡന്റ് വി. ഹര്‍ഷകുമാര്‍ അധ്യക്ഷനായി. ഉരുള്‍ മഹോത്സവത്തോടനുബന്ധിച്ച് സാംസ്‌കാരിക സമ്മേളനം, കവിയരങ്ങ്, അവാര്‍ഡ് ജേതാക്കളെ ആദരിക്കല്‍, കലാപരിപാടികള്‍ എന്നിവ സംഘടിപ്പിക്കും. മഹോത്സവത്തിന്റെ നടത്തിപ്പിനായി ജി. രാധാകൃഷ്ണബാബു, എസ്. ശ്രീനിവാസന്‍, വി. ഹര്‍ഷകുമാര്‍, ജെ. ഷാജി, ഡോ. കെ.വി ഷാജി, ഡി.എസ് സജീവ്, പ്രിജി, മങ്ങാട് സുബിന്‍ നാരായണ്‍, ബി.എല്‍ രമേശന്‍, ജി. ബാബുജി എന്നിവര്‍ കണ്‍വീനര്‍മാരും ജോയിന്റ് കണ്‍വീനര്‍മാരുമായി വിവിധ സബ് കമ്മിറ്റികള്‍ രൂപീകരിച്ചു.