മലപ്പുറം: പ്രമുഖ സ്വാതന്ത്ര്യസമര സേനാനിയും സൂഫിവര്യനുമായിരുന്ന വെളിയങ്കോട് ഉമര്‍ഖാസി(റ)യുടെ പേരിലുള്ള പ്രഥമ സേവരത്‌നം അവാര്‍ഡിന് മുന്‍ എം.പി സി. ഹരിദാസും മുന്‍ ഡി.ഐ.ജി എം.ടി മൊയ്തുട്ടി ഹാജിയും അര്‍ഹരായി.
ആലങ്കോട് ലീലാകൃഷ്ണന്‍ ചെയര്‍മാനും പ്രൊഫ. കെ.എം മുഹമ്മദ്, വി.പി ഹംസ മൗലവി, പ്രൊഫ. വി.കെ ബേബി, പി.പി ബാവ, ഒ.ടി മുഹ്‌യിദ്ദീന്‍ മൗലവി, റസാക്ക് കൂടല്ലൂര്‍, റഷീദ് കളത്തില്‍പറമ്പില്‍, പി.വി ഷൈലോക് തുടങ്ങിയവര്‍ അംഗങ്ങളുമായ കമ്മിറ്റിയാണ് അവാര്‍ഡ് ജേതാക്കളെ തിരഞ്ഞെടുത്തത്. 30,000 രൂപയും പ്രശസ്തിപത്രവും ഫലകവും അടങ്ങിയതാണ് അവാര്‍ഡ്. മെയ് ഒന്നിന് വെളിയങ്കോട് ചെറലായി തറവാട്ടില്‍ നടക്കുന്ന ഉമര്‍ഖാസി സെമിനാറില്‍ സ്പീക്കര്‍ പി. ശ്രീരാമകൃഷ്ണന്‍ അവാര്‍ഡ് സമ്മാനിക്കും.