അന്തിക്കാട്: കനത്ത വേനല്‍മഴയില്‍ അന്തിക്കാട് പടവില്‍ ലക്ഷകണക്കിനു രൂപയുടെ വൈക്കോല്‍ നശിച്ചു.
കൊയ്ത്ത് കഴിഞ്ഞ 750 ഏക്കര്‍ നിലത്തില്‍ വെള്ളം കയറിയതോടെ വൈക്കോല്‍ പൂര്‍ണമായും നശിക്കുകയായിരുന്നു.
യന്ത്രമപയോഗിച്ച് കെട്ടുകളാക്കിയ വൈക്കോലാണ് മഴയില്‍ നശിച്ചത്. ഏക്കറിന് 3000 രൂപ നിരക്കിലാണ് കര്‍ഷകര്‍ വൈക്കോല്‍ വില്‍ക്കുന്നത്. മേഖലയിലെ ക്ഷീര കര്‍ഷകരും ഇതോടെ പ്രതിസന്ധിയിലായിട്ടുണ്ട്. മറ്റു പടവുകളില്‍ നിന്ന് കൂടുതല്‍ വില നല്‍കി വൈക്കോല്‍ വാങ്ങേണ്ട ഗതികേടിലാണ് ക്ഷീര കര്‍ഷകര്‍. പ്രതീക്ഷിക്കാതെ പെയ്ത വേനല്‍ മഴയാണ് കര്‍ഷകര്‍ക്ക് തിരിച്ചടിയായത്.