പാലക്കാട്:: യുവാക്കള്‍ക്കും,വിദ്യാര്‍ഥികള്‍ക്കുമിടയില്‍ കഞ്ചാവ് വില്‍പ്പന നടത്തുന്ന മൂന്ന് യുവാക്കളെ എക്‌സൈസ് പിടികൂടി. വ്യത്യസ്ത കേസുകളിലായാണ് മൂന്നുപേര്‍ പിടിയിലായത്. തൃശൂര്‍, മുകുന്ദപുരം സ്വദേശികളായ വിനു സന്തോഷ് (18), അമിത്ത് (22) എന്നിവരാണ് പിടിയിലായത്. പാലക്കാട് ചന്ദനഗര്‍ കൂട്ടുപാതയില്‍ എട്ടു കിലോ കഞ്ചാവുമായാണ്് പിടികൂടിയത്്. എക്‌സൈസ് ഇന്റലിജന്‍സിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ കഴിഞ്ഞ കുറെ ദിവസങ്ങളായി ഇവരെ നിരീക്ഷിച്ചുവരികയായിരുന്നു .എക്‌സൈസ് ഇന്‍സ്‌പെക്ടര്‍മാരായഎം.റിയാസ് , പി. രമേഷ് ,അസി: എക്‌സൈസ് ഇന്‍സ്‌പെക്ടര്‍ എ. ഷൗക്കത്തലി, പ്രിവന്റീവ് ഓഫിസര്‍മാരായ വൈ. സയിദ്ദ് മുഹമ്മദ് , കെ.എസ് സജിത്ത്,സി. ശെന്തില്‍കുമാര്‍,വി.സജീവ്, എം. യൂണിസ്, വി.എന്‍ .രാജേഷ് കുമാര്‍, മനോജ് കുമാര്‍, സിവില്‍ എക്‌സൈസ് ഓഫീസര്‍മാരായ കെ.അഭിലാഷ് , സി.രമേഷ് കമാര്‍ ,ശിവകുമാര്‍, സയിദ് അല്‍മാസ്, ഡ്രൈവര്‍മാരായ കൃഷ്ണകുമാര്‍ ,സത്താര്‍ എന്നിവരാണ് പരിശോധനയില്‍ പങ്കെടുത്തത്.
പാലക്കാട്: എക്‌സൈസ് സ്‌പെഷല്‍ സ്‌ക്വാഡ് അതിര്‍ത്തിയില്‍ നടത്തിയ പരിശോധനയില്‍ കെ.എസ്.ആര്‍.ടി.സി ബസില്‍ കടത്തുകയായിരുന്ന വില്‍പനക്ക് തയാറാക്കിയ 600 പൊതി കഞ്ചാവുമായി കൊച്ചി തോപ്പുംപടി സ്വദേശി ജോണ്‍സണ്‍ ഫെര്‍ണാണ്ടസ് (24) അറസ്റ്റിലായി. ബസ് പരിശോധനക്കായി നിര്‍ത്തിയതും പുറകിലെ ഡോര്‍ തുറന്ന് ഇറങ്ങി ഓടിയ പ്രതിയെ പിന്‍തുടര്‍ന്ന് പിടികൂടുകയായിരുന്നു. കാക്കനാട് ഇന്‍ഫോപാര്‍ക്കിലെ ജീവനക്കാര്‍ക്കിടയിലാണ് കഞ്ചാവ് മുഖ്യമായും വില്‍പ്പന നടത്തുന്നതെന്ന് പ്രതി ചോദ്യം ചെയ്യലില്‍ സമ്മതിച്ചു. ഇയാളെ ചോദ്യം ചെയ്തതില്‍ റാക്കറ്റിലെ മുഖ്യകണ്ണികളെക്കുറിച്ച് കൂടുതല്‍ വിവരങ്ങള്‍ ലഭിച്ചതായും അന്വേഷണം തുടരുമെന്നും സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ എം. രാകേഷ് അറിയിച്ചു. പരിശോധനയില്‍ സര്‍ക്കിള്‍ ഇന്‍സ്‌പെക്ടര്‍ എം. രാകേഷിന്റെ നേതൃത്വത്തില്‍ പ്രിവന്റീവ് ഓഫിസര്‍മാരായ സി. ജയചന്ദ്രന്‍, എ.കെ സുമേഷ് കോങ്ങാട്, ഗ്രേഡ് പ്രിവന്റീവ് ഓഫിസര്‍ ആര്‍.എസ് സുരേഷ്, സിവില്‍ എക്‌സൈസ് ഓഫിസര്‍മാരായ കെ. സുരേഷ്, എം. ഷിനോജ്, ആര്‍. ശ്രീകുമാര്‍, കെ. പുഷ്‌ക്കരന്‍, ഡ്രൈവര്‍ ശെല്‍വകുമാര്‍ പ്ലാക്കല്‍ പങ്കെടുത്തു.