പൊള്ളാച്ചി: തമിഴ്‌നാട്ടില്‍ പ്രായപൂര്‍ത്തിയാകാത്ത പെണ്‍കുട്ടികള്‍ ഉള്‍പ്പെടെയുള്ളവരെ ബ്ലാക്ക്‌മെയില്‍ ചെയ്ത് ലൈംഗീക ചൂഷണത്തിന് ഇരയാക്കിയ സംഭവത്തെക്കുറിച്ചുള്ള അന്വേഷണം സി.ബി.ഐ ഏറ്റെടുത്തു.
സംസ്ഥാന സര്‍ക്കാരിന്റെ ശുപാര്‍ശയുടെ അടിസ്ഥാനത്തിലാണ് കേസ് സി.ബി.ഐ ഏറ്റെടുത്തത്. സംസ്ഥാനത്തെ ഇളക്കിമറിച്ച പ്രതിഷേധത്തിന് ഇടയാക്കിയ സംഭവമായിരുന്നു പൊള്ളാച്ചി ലൈംഗിക പീഡനം.
നാല് യുവാക്കള്‍ ചേര്‍ന്ന് കോളജ് വിദ്യാര്‍ഥിനിയെ തട്ടിക്കൊണ്ടുപോയ കേസിനെ അടിസ്ഥാനമാക്കി വിദ്യാര്‍ഥിനിയുടെ സഹോദരന്റെ പരാതിയിലാണ് എഫ്.ഐ.ആര്‍ രജിസ്റ്റര്‍ ചെയ്തത്.