അലനല്ലൂര്‍: ദാറു തഖ്‌വ വാഫി കോളജ് പ്രിന്‍സിപ്പാള്‍ ഹസന്‍ വാഫി പുല്ലശ്ശേരിക്ക് ഈജിപ്തിലെ അല്‍ അസ്ഹര്‍ യൂണിവേഴ്‌സിറ്റിക്ക് കീഴില്‍ വിവിധ രാജ്യങ്ങളില്‍ നിന്നുള്ള മുസ്ലിം പണ്ഡിതന്മാര്‍ക്കായി നടത്തപ്പെടുന്ന ്ര്രെടിനിംഗ് കോഴ്‌സില്‍ സ്‌കോളര്‍ഷിപ്പോടെ പങ്കെടുക്കാന്‍ അവസരം.
അല്‍ അസ്ഹര്‍ സര്‍വകലാശാലയിലക്ക് കീഴില്‍ ദ്വിമാസട്രെയിനിംങ് കോഴ്‌സില്‍ പങ്കെടുക്കുന്നതിനായി അദ്ദേഹം കെയ്്്‌റോവിലേക്ക് പുറപ്പെട്ടു. വളാഞ്ചേരി മര്‍കസില്‍ നിന്ന് ബിരുദം കരസ്തമാക്കിയ ഹസന്‍ വാഫി അലനല്ലൂര്‍ വാഫി കോളജ് പ്രിന്‍സിപ്പാളും വളാഞ്ചേരി മര്‍കസിലെ ഗസ്റ്റ് ലക്ചററുമാണ്. ദാറു തഖ്‌വ വാഫി കോളജില്‍ നടന്ന യാത്രയയപ്പ് യോഗം മഹല്ല് ഖാസി സി. മുഹമ്മദ് കുട്ടി ഫൈസി ഉദ്ഘാടനം ചെയ്തു. അഷ്‌റഫ് ഹാജി ധ്യക്ഷനായി. ഹംസ മാസ്റ്റര്‍, ആലായന്‍ സൈനുദ്ധീന്‍, ഉസ്മാന്‍ വാഫി, ഹക്കീം ഫൈസി സംസാരിച്ചു.