തിരുവനന്തപുരം: പട്ടികജാതി-വര്‍ഗ ക്ഷേമ പ്രവര്‍ത്തനങ്ങള്‍ സംബന്ധിച്ച മികച്ച റിപ്പോര്‍ട്ടിന് പട്ടികജാതി വികസനവകുപ്പ് നല്‍കുന്ന ഡോ. ബി.ആര്‍ അംബേദ്കര്‍ മാധ്യമ അവാര്‍ഡിന് അപേക്ഷ ക്ഷണിച്ചു. അച്ചടി, ദൃശ്യ, ശ്രാവ്യ മാധ്യമങ്ങളിലെ മികച്ച റിപ്പോര്‍ട്ടുകള്‍ക്കാണ് അവാര്‍ഡ്. 2017 ഓഗസ്റ്റ് 16 മുതല്‍ 2018 ഓഗസ്റ്റ് 15 വരെയുള്ള കാലയളവിലെ റിപ്പോര്‍ട്ടുകളും പ്രോഗ്രാമുകളുമാണ് അവാര്‍ഡിന് പരിഗണിക്കുക. എന്‍ട്രികള്‍ സെപ്റ്റംബര്‍ 30 വരെ സ്വീകരിക്കും. ചീഫ് പബ്ലിസിറ്റി ഓഫിസര്‍, പട്ടികജാതിവകസന വകുപ്പ്, അയ്യങ്കാളിഭവന്‍, കനകനഗര്‍, വെള്ളയമ്പലം, തിരുവനന്തപുരം 3 എന്ന വിലാസത്തില്‍ അയക്കണം. ഫോണ്‍: 0471 2737218, 9447441957.