കൊയിലാണ്ടി: കൊല്ലം പാറപ്പള്ളി മഖാം ഉറൂസിന് ഭക്തിനിര്‍ഭരമായ തുടക്കം. ഇന്നലെ രാവിലെ ഒന്‍പതിന് ഹാഫിള് ഹുസൈന്‍ ബാഫഖി തങ്ങള്‍ പതാക ഉയര്‍ത്തി. രാത്രി എട്ടിന് പാറപ്പള്ളി ഓപണ്‍ സ്റ്റേജില്‍ നടന്ന പ്രഭാഷണത്തിന് റഹ്മത്തുല്ലാഹ് ഖാസിമി മൂത്തേടം നേതൃത്വം നല്‍കി. നാഇബ് ഖാസി ഹാഫിള് സബ്‌റത്ത് റഹ്മാനി ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ ഹുസൈന്‍ ഫൈസി അധ്യക്ഷനായി. മഹല്ല് പ്രസിഡന്റ് സിദ്ദീഖ് കൂട്ടുംമുഖം, മൊയ്തു ഹാജി തൊടുവഴല്‍, സാദിഖ് പാലോളി, എ.കെ.സി മുഹമ്മദ്, അസ്സയിനാര്‍ കിള്ളവയല്‍, ഗഫൂര്‍ പാറപ്പള്ളി, സുഹൈല്‍ ഹൈതമി, റഷീദ് ദാരിമി പാറപ്പള്ളി, അന്‍സാര്‍ കൊല്ലം സംസാരിച്ചു.
ഉറൂസിന്റെ രണ്ടാം ദിവസമായ ഇന്നു നടക്കുന്ന പ്രഭാഷണം എ.പി.പി തങ്ങള്‍ ഉദ്ഘാടനം ചെയ്യും. അഷ്‌റഫ് റഹ്മാനി ചൗക്കി മുഖ്യപ്രഭാഷണം നടത്തും. തുടര്‍ന്നുള്ള ദിവസങ്ങളി ല്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഏലംകുളം ബാപ്പു മുസ്‌ലിയാര്‍, അഹമ്മദ് മുസ്‌ലിയാര്‍ മാണിയൂര്‍, എ.വി അബ്ദുറഹ്മാന്‍ മുസ്‌ലിയാര്‍, ജലീല്‍ റഹ്മാനി വാണിയന്നൂര്‍ സംസാരിക്കും. മൗലിദുകള്‍, മജ്‌ലിസുന്നൂര്‍, ദിക്ര്‍ ദുആ മജ്‌ലിസ്, അന്നദാനം എന്നിവയും നടക്കും.