തിരുവനന്തപുരം: ഉപതെരഞ്ഞെടുപ്പ് പ്രഖ്യാപിച്ച കുട്ടനാട്ടിലും ചവറയിലും സ്ഥാനാര്‍ഥികളെ ഔദ്യോഗികമായി പ്രഖ്യാപിച്ച് യു.ഡി.എഫ്. ഇരു മണ്ഡലങ്ങളിലും കഴിഞ്ഞ നിയമസഭാ തെരഞ്ഞെടുപ്പില്‍ മത്സരിച്ച സ്ഥാനാര്‍ഥികളെയാണ് യു.ഡി.എഫ് ഇറക്കിയിരിക്കുന്നത്.
കുട്ടനാട്ടില്‍ ജേക്കബ് എബ്രഹാമും ചവറയില്‍ ഷിബു ബേബിജോണും മത്സരിക്കുമെന്ന് യു.ഡി.എഫ് ചെയര്‍മാന്‍ രമേശ് ചെന്നിത്തല പറഞ്ഞു.
കഴിഞ്ഞ തവണ യു.ഡി.എഫ് പരാജയപ്പെട്ട രണ്ട് മണ്ഡലങ്ങളിലും അനുകൂലമായ രാഷ്ട്രീയ അന്തരീക്ഷമാണ് ഇപ്പോഴുള്ളത്. അതുകൊണ്ടുതന്നെ കഴിഞ്ഞ തവണ മത്സരിച്ചവരെ തന്നെ മത്സരിപ്പിക്കാനുള്ള തീരുമാനം ഏകകണ്ഠമായിരുന്നെന്നും ചെന്നിത്തല കൂട്ടിച്ചേര്‍ത്തു.