തലശ്ശേരി: കാലിക്കറ്റ് സര്‍വകലാശാല മുന്‍ വൈസ് ചാല്‍സിലറും ഗ്രന്ഥകാരനുമായ എന്‍.പി ഉമ്മര്‍കുട്ടി (85) അന്തരിച്ചു. ഇന്നു പുലര്‍ച്ചെ തലശ്ശേരി ചക്യത്ത്മുക്കിലെ അച്ചാരത്ത് റോഡിലെ ജമീലത് വീട്ടിലാണ് അന്ത്യം. സി.പി മൂസക്കോയയുടെയും എ.എന്‍.പി സൈനബയുടെയും മകനാണ്. ബി.ഇ.എം.പി ഹൈസ്‌കൂള്‍, ഗവ.ബ്രണ്ണന്‍ കോളജ്, മദ്രാസ് പ്രസിഡന്‍സി കോളജ്, അലീഗഢ് മുസ്ലിം യൂനിവേഴ്സിറ്റി എന്നിവിടങ്ങളിലായിരുന്നു പഠനം. മറൈന്‍ ബയോളജിയില്‍ ഡോക്ടറേറ്റ്. സെന്‍ട്രല്‍ മറൈന്‍ ഫിഷറീസ് ഇന്‍സ്റ്റിറ്റ്യൂട്ട് മണ്ഡപം തമിഴ്നാട്, ഓഷ്യാനോഗ്രഫിക് ലബോറട്ടറി എറണാകുളം, ഗോവ നാഷ്നല്‍ ഇന്‍സ്റ്റിറ്റ്യൂട്ട് ഓഫ് ഓഷ്യാനോഗ്രഫിയുടെ കൊച്ചി കേന്ദ്രം, കൊല്‍ക്കത്തയിലെ സുവോളജിക്കല്‍ സര്‍വേ ഓഫ് ഇന്ത്യ എന്നിവിടങ്ങളില്‍ ജോലി ചെയ്തിരുന്നു. ഭാര്യ: ജമീല. മക്കള്‍: മുബശീര്‍ സാഹിദ്, ജബീരാ ഹാരിസ്. മൃതദേഹം ഇന്നു ഉച്ചയ്ക്ക് 1.30 ഓടെ തലായി സേട്ടുപള്ളിയില്‍ ഖബറടക്കും.